بۇگىن ەلىمىزدىڭ 4 وڭىرىندە ۇسىك جۇرەدى. بۇل تۋرالى قازگيدرومەت ەل اۋماعىندا 16 قازاندا بولاتىن قاۋىپتى مەتەورولوگيالىق قۇبىلىستارعا بولجام جاسادى، دەپ حابارلايدى “ادىرنا” ۇلتتىق پورتالى.
ەلىمىزدىڭ باسىم بولىگى انتيتسيكلوننىڭ اسەرىندە بولعاندىقتان، جاۋىن-شاشىنسىز اۋا رايى كۇتىلەدى، تەك ەلدىڭ سولتۇستىگىندە، شىعىسىندا اتموسفەرالىق فرونتالدى بولىكتەردىڭ وتۋىنە بايلانىستى جاۋىن-شاشىن (جاڭبىر، قار) ءتۇسىپ، ەكپىندى جەل سوعادى. رەسپۋبليكا بويىنشا تۇنگى جانە تاڭەرتەڭگى ساعاتتاردا تۇمان تۇسەدى، - دەپ جازدى سينوپتيكتەر.الماتى وبلىسىنىڭ سولتۇستىگىندە، وڭتۇستىگىندە توپىراق بەتىندە، قىزىلوردا وبلىسىنىڭ سولتۇستىگىندە، جامبىل وبلىسىنىڭ تاۋلى اۋداندارىندا، جەتىسۋ وبلىسىنىڭ ورتالىعىندا، تاۋلى اۋداندارىندا 3 گرادۋسقا دەيىن ۇسىك كۇتىلەدى.
ۇقساس جاڭالىقتار
