Búgin elimizdiń 4 óńirinde úsik júredi. Bul týraly Qazgıdromet el aýmaǵynda 16 qazanda bolatyn qaýipti meteorologııalyq qubylystarǵa boljam jasady, dep habarlaıdy “Adyrna” ulttyq portaly.
Elimizdiń basym bóligi antııklonnyń áserinde bolǵandyqtan, jaýyn-shashynsyz aýa raıy kútiledi, tek eldiń soltústiginde, shyǵysynda atmosferalyq frontaldy bólikterdiń ótýine baılanysty jaýyn-shashyn (jańbyr, qar) túsip, ekpindi jel soǵady. Respýblıka boıynsha túngi jáne tańerteńgi saǵattarda tuman túsedi, - dep jazdy sınoptıkter.
Almaty oblysynyń soltústiginde, ońtústiginde topyraq betinde, Qyzylorda oblysynyń soltústiginde, Jambyl oblysynyń taýly aýdandarynda, Jetisý oblysynyń ortalyǵynda, taýly aýdandarynda 3 gradýsqa deıin úsik kútiledi.
