سيريانىڭ قورعانىس مينيسترلىگى ءيزرايلدى 15 قازانعا قاراعان ءتۇنى الەپپو اۋەجايىنا سوققى بەردى دەپ ايىپتاۋدا، دەپ حابارلايدى "ادىرنا" ءتىلشىسى ريا اقپارات اگەنتتىگىنە سىلتەمە جاساپ.
اگەنتتىكتىڭ حابارلاۋىنشا، داماسك پەن الەپپوعا يزرايلدىك زىمىران سوققىلارىنىڭ سالدارىنان بەيسەنبىدە الەپپو حالىقارالىق اۋەجايىندا ۇشۋ-قونۋ جولاقتارى زاقىمدانعان. دەگەنمەن 14 قازان كۇنى جۇمىسىن قايتا جالعاستىرعان. ال داماسك اۋەجايى ءالى جۇمىس ىستەمەيدى. ا
"يزرايلدىك جاۋ جەرورتا تەڭىزىنەن، لاتاكيانىڭ باتىسىندا، الەپپو حالىقارالىق اۋەجايىنا شابۋىلىن جاساعان. ناتيجەسىندە اۋەجايعا ماتەريالدىق شىعىن كەلتىرىلدى جانە قىزمەتى توقتاعان", — دەلىنگەن ۆەدومستۆو حابارلاماسىندا.
يزرايل قورعانىس ارمياسى الەپپو اۋەجايىنا سوققىلار تۋرالى تۇسىنىكتەمە بەرگەن جوق. الايدا سيريا اۋەجايعا جاسالعان سوققى ءۇشىن يزرايل مەملەكەتىن كىنالاپ وتىر.
