دەپۋتات ماقسات تولىقباي ءماجىلىس وتىرىسىندا ەلىمىزدەگى تەمىرجول تاسىمالىنىڭ ساپاسى جايلى ءسوز قوزعاپ، كولىك ءمينيسترى مارات كارىمجانۇلىنا ساۋال جولدادى، دەپ جازادى “ادىرنا” ۇلتتىق پورتالى.
ءوز كەزەگىندە ماقسات تووىقباي قازىرگى تاڭداعى تەمىرجول تاسىمالى، پويىز بيلەتتەرى، پويىز كولىكتەرىنىڭ ساپاسى جايلى بارلىق ماسەلەلەردى ءتىزىپ بەردى.
"مەنىڭ سۇراعىم كولىك ءمينيسترى مارات كارىمجانۇلىنا! تەمىرجولدا قاشان ءتارتىپ ورنايدى؟ 30 جىلدىڭ ىشىندە تەمىرجولدى تابىس كوزىنە عانا اينالدىرعان بۇرىنعى باسشىلاردىڭ تەك قارجى تابۋمەن عانا اينالىسقانىن ءبىز جاقسى بىلەمىز. سول ەسكى قازاقستان وكىلدەرى ءسولىن سورىپ، بىزگە تەك قاڭقاسىن قالدىردى.
ايتا ايتا جاق تالدى. جىلداعى جىر. ساپا ءنول. سابەت زامانىنان قالعان ەسكى ۆاگوندار سۇيرەتىلىپ ءالى ءجۇر.
تەمىرجول پاركىنىڭ 60 پايىزىنىڭ توز-توزى شىققان. مينيسترلىك 2030 دا جارىلقايمىز دەۋدەن جالىقپايدى. بىراق، قتج عا ءبارىبىر. ويتكەنى، شەكەلەرى شىلقىپ جۇرگەن مەنەدجەرلەرگە قازاقستان تەمىرجولىنىڭ قۇنى كوك تيىن. 26 جىلدا جارىلتپاعان سالانى، ەندى جەتى جىلدا جارىلقايدى دەگەنگە جان بالاسى سەنبەيدى. ويتكەنى، ايتاتىندارى اڭىز، ەرتەگى..
2030 عا دەيىن قالعان ۆاگوندارى 80 پايىزعا توزىپ، ەكى قولدى مۇرىنعا تىعىپ وتىرماسىمىزعا كەپىلدىك بار ما مينيستر مىرزا؟
تەرەزەسى اشىلمايتىن، كونديتسيونەرى ىستەمەيتىن، قابىرعاسىندا تاراقاندار جۇرەتىن ەسكى ۆاگونداردىڭ وزىنە جاز مەزگىلىندە بيلەت تاپپايسىڭ. باعاسى ول قىمبات.
سويتە تۇرا ءبىز بيلەتتى سۋبسيديالاۋعا جىل سايىن سىتىرلاتىپ ميللياردتاردى ساناپ بەرەمىز. پويىزداردىڭ ءجيى كەشىگەتىنىن ايتپاي-اق قويايىن. ساپارداعى جولاۋشىلار ءۇشىن پويىزدىڭ 1-2 ساعاتقا كەستەدەن كەشىگۋى ۇيرەنشىكتى جايت بولىپ قالعان. سويتە تۇرا ءتۋريزمدى تۇلەتەمىز دەيمىز. بىزگە تۋريستىك مارشرۋتتارعا ارنالعان ستراتەگيالىق جوسپار قاجەت. توق ەتەرى مىناۋ!
ەسكى قازاقستاننىڭ مۇراسى بوپ قالعان تەمىرجول ماسەلەسىن قاشان شەشەسىزدەر؟ 26 جىل كۇتتىك. ءالى قانشا كۇتەمىز؟ زاماناۋي ۆاگوندارعا كەزەكسىز، ءتيىمدى باعادا مىنەتىن كۇن تۋا ما قازاققا؟" دەلىندى دەپۋتاتتىق ساۋالدا.
پوسموترەت ەتۋ پۋبليكاتسيۋ ۆ Instagram
