قاشقىن بانكير مۇحتار ءابليازوۆ ءوزىن ساياسي قۋعىن-سۇرگىننىڭ قۇربانى رەتىندە تانىتىپ جۇرگەن قازاقستانداعى جاقتاستارى جايلى كادر سىرتىندا جاعىمسىز پىكىرىن ايتتى، دەپ جازادى "ادىرنا" پورتالى. ۆيدەو "زلوبنايا تاتەشكا" تەلەگرام ارناسىندا جاريالاندى.
Tik Tok جەلىسىندە حالىقتى ميتينگكە شىعۋعا شاقىرعان كەزەكتى تىكەلەي ەفيردەن كەيىن ءابليازوۆتىڭ كومەكشىسى كامەرانى ءوشىرۋدى ۇمىتىپ كەتكەن.
ونى ەشكىم تىڭدامايدى دەپ سەنگەن ەكس-بانكير ءوز جاقتاستارى تۋرالى دورەكى سويلەدى.
«مىنا قويلار قاندى ءىشتى! ءۇش جىلدان بەرى شىعىڭدار دەپ قاقساپ كەلەم! ەشكىم تىڭدامايدى» دەپ ىزالانادى.
ەسكە سالايىق، 2021 جىلدىڭ ءساۋىر ايىنىڭ سوڭىندا رەسپۋبليكا الاڭىندا 10 ساعاتتان استام ايازدا قاۋىپسىزدىك كۇشتەرىنىڭ قورشاۋىندا بولعان قدت پارتياسى (قازاقستاننىڭ دەموكراتيالىق تاڭداۋى) مۇشەلەرىنىڭ ميتينگىسىنەن كەيىن ءابليازوۆ جاقتاستارىنان «جورگەك كيىپ ءجۇر مە؟» دەپ سۇراعان بولاتىن.
وسىدان كەيىن ەكس-بانكير الەۋمەتتىك جەلى قولدانۋشىلارىنىڭ كوپ سىنىنا ۇشىرادى.
پوسموترەت ەتۋ پۋبليكاتسيۋ ۆ Instagram
