جەردى زاڭسىز ساتتى دەگەن ايىپپەن سوت الدىندا جاۋاپ بەرىپ جاتقان اقتوبە وبلىسىنىڭ بۇرىنعى اكىمى ەرمەك يمانتاەۆ اشتىق جاريالادى، دەپ حابارلايدى «ادىرنا» ءتىلشىسى كتك ارناسىنا سىلتەمە جاساپ.
ەكس-شەنەۋنىك وزىنە تاعىلعان ايىپپەن كەلىسپەي وتىر. ايەلى لەيلا يمانتاەۆانىڭ ايتۋىنشا، بۇرىنعى اكىمنىڭ ءنار تاتپاعانىنا جەتى كۇن بولعان.
«بۇگىن مەن تەرگەۋ يزولياتورىندا كۇيەۋىمە باردىم، ونى زەمبىلمەن قالاي الىپ شىققانىن كوردىم. جاعدايى وتە اۋىر، ارەڭ سويلەيدى. بىراق اقىل-ەسى دۇرىس جانە قىلمىستىق ءىستى ودان ءارى تەرگەۋدى تالاپ ەتۋدە. ءوز قۇقىعىنىڭ اياققا تاپتالىپ جاتقانىن كورىپ وتىرعاندىقتان، بۇنداي بارىپ وتىر»،—دەدى ول.
ەسكە سالايىق، اقتوبە وبلىسىنىڭ بۇرىنعى اكىمى ەرمەك يمانتاەۆ 2023 جىلدىڭ اقپانىندا قاماۋعا الىنعان بولاتىن. ول قىزمەتتىك وكىلەتتىگىن تەرىس پايدالانعان دەپ ايىپتالىپ وتىر. ەكس-اكىمگە لاۋازىمدىق وكىلەتتىگىن اسىرا پايدالانىپ، جەر ۋچاسكەلەرىن ءوز باعاسىنان تومەن ساتتى دەگەن ايىپ تاعىلدى. سالدارىنان مەملەكەتكە 199,4 ملن تەڭگە زالال كەلتىرىلگەن.
