پاكىستاننىڭ حايبەر-پاحتۋنحۆا پروۆينتسياسىنىڭ ماستۋنگ قالاسىندا جانە بالۋجيستان پروۆينتسياسىنىڭ حانگۋ قالاسىنداعى جارىلىس بولىپ، قازا تاپقاندار بار، دەپ حابارلايدى "ادىرنا" ءتىلشىسى.
Dawn گازەتىنىڭ حابارلاۋىنشا، ماستۋنگتا مەشىتتەگى ءدىني شەرۋ كەزىندە ۇلكەن جارىلىس بولعان.
پوليتسيانىڭ مالىمتىنشە جارىلىستى جاساعان لاڭكەس ءماۋلىت — يسلام پايعامبارى مۇحاممەدتىڭ تۋعان كۇنىن اتاپ ءوتۋ ءۇشىن ادامدار جينالاتىن بىلگەن.
باسىلىمنىڭ حابارلاۋىنشا، حانگۋدا دوابا پوليتسيا بولىمىندە ەكى جارىلىس بولىپ، ونىڭ ىشىندە پوليتسيا قىزمەتكەرى دە قازا تاپقان.
قازىرگى ۋاقىتتا پاكىستان اۋماعىندا جۇمىس ىستەيتىن تەرروريستىك توپتاردىڭ ەشقايسىسى لاڭكەستىك شابۋىل جاساعانىن مويىنداماي وتىر. ال بۇل جارىلىستان شامامەن 56 ادام قازا تاۋىپ، 70-تەن اسا تۇرعىن جاراقات العان.
بۇعان دەيىن، 30 قاڭتاردا ونداعان ادام قازا تاۋىپ، پاكىستاننىڭ "تەحريك-ي-تاليبان" تەرروريستىك ۇيىمى دا مەشىتتە جارىلىس جاساپ، سالدارىنان ەكى جۇزگە جۋىق ادام جاراقات العان بولاتىن.
سوڭعى 15 جىل ىشىندە لاڭكەستىك توپتار پاكىستان بيلىگىنە قارسى پارتيزاندىق سوعىس جۇرگىزىپ، شابۋىلدار ۇيىمداستىرىپ ءجۇر. پاكىستاندىق تاليبانداردىڭ شابۋىلدارى وتكەن جىلدىڭ قاراشا ايىنان باستاپ ۇكىمەتپەن اتىستى توقتاتۋ رەجيمى اياقتالعاننان كەيىن جيىلەپ كەتتى.
