ءماجىلىس دەپۋتاتى ەرمۇرات باپي «اۋەجايدى باسىپ الۋ» ىسىنە بايلانىستى پىكىر ءبىلدىردى. ول بۇل ءىس بارىنشا اشىق ءارى تازا ءوتۋى كەرەك دەپ ەسەپتەيدى، دەپ حابارلايدى «ادىرنا» ءتىلشىسى Ulysmedia.kz-كە سىلتەمە جاساپ.
استانادا قاڭتار وقيعاسى كەزىندە «اۋەجايدى باسىپ الۋ» ءىسى بويىنشا سوتتالعان ازاماتتاردىڭ ادۆوكاتتارى ءباسپاسوز ءماسليحاتىن وتكىزىپ، سوڭعى سوت وتىرىسىندا قۇقىقتارى شەكتەلگەنىن ايتادى.
ەسكە سالا كەتەيىك، اتالعان ءىس بويىنشا سوت ايىپتالۋشىلاردى كىنالى دەپ تانىپ، جۋرناليست ايگەرىم تىلەۋجاندى 4 جىلعا باس بوستاندىعىنان ايىرعان ەدى. قالاس نۇرپەيىسوۆ پەن نۇرلان دالىباەۆ 8 جىلعا سوتتالدى. سوت ۇكىمىمەن ەرمۇحامەت شىلىباەۆقا پەن جانايدار كارمەنوۆ تە 8 جىلعا باس بوستاندىعىنان ايىرىلدى.
«ادۆوكاتتاردى سوت پروتسەسىنە كىرگىزبەۋ، ارتىنان الداۋ، نەشە ءتۇرلى ساياسي الاياقتىققا بارعان جاعداي بولا بەرسە، بۇگىن-ەرتەڭ قازاقستان رەسپۋبليكاسىنىڭ جوعارعى سوتى بۇعان ءوزىنىڭ باعاسىن بەرۋى كەرەك. قازاقستان رەسپۋبليكاسىنىڭ جوعارعى سوت كەڭەسى دە. ۇزاققا سوزۋعا بولمايدى. ايگەرىم تىلەۋجاننىڭ بۇل ءىسى ساياسي ىسكە ۇلاسىپ بارا جاتىر. سوت ورگاندارى بۇل ىستەردىڭ دۇرىس، ادال، ءتۇزۋ وتۋىنە قانشالىقتى كەدەرگى كەلتىرسە، قازاقستاننىڭ يميدجىنە، پرەزيدەنتىنە، بيلىگىنە، قازاقستاندا قالىپتاسقان ساياسي جاعدايعا سونشالىقتى كەدەرگى كەلتىرەدى دەپ ويلايمىن. بۇل مۇمكىن ءتىپتى ادەيى ىستەلىپ جاتۋى دا مۇمكىن. سوندىقتان پارلامەنت دەپۋتاتى رەتىندە، ازامات رەتىندە جوعارعى سوتتان، جوعارعى سوت كەڭەسىنەن قوعام الدىندا شۇعىل تۇردە جاۋاپ بەرۋىن سۇرايمىن»، - دەيدى ەرمۇرات باپي ءىس-شاراعا ونلاين رەجيمدە قاتىسىپ.دەپۋتات ايگەرىم تىلەۋجاننىڭ سوتى مەيلىنشە تازا مەيلىنشە اشىق ءوتۋى كەرەك دەپ ەسەپتەيدى.
«ياعني ايىپ تاعىلعان ەكەن. بۇل ايىپتىڭ انىق-قانىعىن انىقتاپ، ايگەرىم وعان قاتىستى ما، جوق پا – سونىڭ ءبارىن اشىق كورسەتۋ كەرەك»، - دەيدى ول.
ۇقساس جاڭالىقتار
