پرەزيدەنت گەرمانيانىڭ فەدەرالدىق كانتسلەرىمەن كەڭەيتىلگەن قۇرامدا كەلىسسوز جۇرگىزدى

2048
Adyrna.kz Telegram
https://adyrna.kz/content/uploads/2023/09/19ae5150-680a-4480-bca4-488754b5f7d5.jpeg
مەملەكەت باسشىسى قاسىم-جومارت توقاەۆ گەرمانيانىڭ فەدەرالدىق كانتسلەرىمەن كەڭەيتىلگەن قۇرامدا كەلىسسوز جۇرگىزدى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى. قاسىم-جومارت توقاەۆ جەكە نەمىس ينۆەستورلارى قاتىساتىن جوبالاردى قارجىلاندىرۋ بويىنشا ەكىجاقتى جۇمىس توبىنىڭ قولداۋىمەن شيكىزاتتى بىرلەسە يگەرۋ جوبالارىن ىسكە اسىرۋ جونىندەگى كونسورتسيۋم قۇرۋدى ۇسىندى. ودان بولەك، گەرمانيا تاراپىن ترانسكاسپي باعىتىنىڭ الەۋەتىن پايدالانۋعا، سونداي-اق كاسپيدەگى اقتاۋ جانە قۇرىق پورتتارىنىڭ ينفراقۇرىلىمىن دامىتۋ ىسىنە قاتىسۋعا شاقىردى. سونىمەن قاتار نەمىس تاراپىن جاڭارتىلاتىن ەنەرگيا كوزدەرىن، سونىڭ ىشىندە «جاسىل» سۋتەگىن دامىتۋ ءۇشىن اناعۇرلىم تىعىز قارىم-قاتىناس ورناتۋعا ۇندەدى. بۇل رەتتە ماڭعىستاۋ وبلىسىندا Svevind Energy نەمىس-شۆەد كومپانياسىمەن بىرلەسىپ جۇزەگە اسىرىلىپ جاتقان «جاسىل» سۋتەگىن ءوندىرۋ جوباسىنىڭ ماڭىزدىلىعى اتاپ ءوتىلدى.  پرەزيدەنت قازاقستان ازاماتتارىنا قاتىستى ۆيزا رەجيمىن جەڭىلدەتۋ مۇمكىندىكتەرىن اتاپ ءوتتى.
پىكىرلەر