2024 جىلدىڭ 1 قاڭتارىنان باستاپ مويىندالماعان تاۋلى قاراباق رەسپۋبليكاسى جويىلادى. ءتيىستى جارلىققا ايماق باسشىسى سامۆەل شاحرامانيان قول قويعان، دەپ حابارلايدى “ادىرنا” ۇلتتىق پورتالى.
قۇجات بويىنشا، تاۋلى قاراباقتاعى بارلىق مەملەكەتتىك مەكەمە مەن ۇيىم تاراتىلادى. ال حالىققا ازەربايجانمەن رەينتەگراتسيا شارتتارى ۇسىنىلعان. قاراباقتا قالۋ نە قالماۋدى تۇرعىنداردىڭ ءوزى شەشەدى.
ارمەنيا ۇكىمەتىنىڭ كەيىنگى مالىمەتىنشە، تاۋلى قاراباقتان ارمەنياعا 19 مىڭعا جۋىق ادام قونىس اۋدارعان.
ەسكە سالايىق، 19 قىركۇيەكتە ازەربايجان اسكەرى تاۋلى قاراباق اۋماعىندا اسكەري وپەراتسيا باستاعانىن حابارلاعان ەدى. سارسەنبىدە ارميان بيلىگى 32 ادام قازا تاۋىپ، 200-دەن استام ادام جارالانعانىن حابارلادى. تۇندە مايدان ماڭىنداعى ەلدى مەكەندەردەن مىڭداعان ادام ەۆاكۋاتسيالاندى. سونىمەن قاتار رەسەي فەدەراتسياسىنىڭ قورعانىس مينيسترلىگىنىڭ حابارلاۋىنشا، ۇرىس ايماعىندا رەسەي بىتىمگەرلەرى قازا تاپتى.
ۇقساس جاڭالىقتار
