كوز الدىمىزدا بولىپ جاتقان قىزىق وقيعالاردان سىر شەرتە وتىرايىق.
"الماتى قالاسى سپورت باسقارماسى" كوممۋنالدىق مەملەكەتتىك مەكەمەسى "سپورتتىق جانە ۇقساس ءىس-شارالاردى ۇيىمداستىرۋ بويىنشا قىزمەتتەر" دەگەن تاقىرىپپەن تەندەر وتكىزەدى. (تاقىرىپتاعى قاتەلەر جايلى ءسوز قوزعاماي تۇرا تۇرايىق) 85 ملن تەڭگە ۇسىنادى. 85 ملن!!! نەگىزگى جۇمىس - اۋلالار اراسىندا بالالاردىڭ جارىستارىن ۇيىمداستىرۋ. سونى استانا قالاسىنداعى "Smart Promotion" جشس جەڭىپ الادى. ولار ۇسىنىپ وتىرعان باعا 75-اق ميلليون تەڭگە. ال سول نە كومپانيا ەكەنىن سايتىنان كىرىپ قاراساق پيار-ماركەتينگپەن اينالىساتىن ۇجىم ەكەن. ەندى وسى كىسىلەر اۋلالار اراسىندا جارىستار ۇيىمداستىرىپ، ءبىزدىڭ بالالارىمىزدى سپورتقا باۋليدى.
مىنا حاباردى ەستىگەن الماتىداعى بالالار باپكەرلەرى كۇيىنىپ ماعان حات جازدى. بۇل تەندەردى بىزگە، الماتى قالاسىنداعى بالالار فۋتبول ۇيىرمەلەرىنە بەرسە عوي دەيدى. سول قارجىعا ءزارۋ ەدىك دەيدى. جارىس ۇيىمداستىرىپ، بالالارعا فۋتبول وينايتىن جاقسى جاعداي جاساپ، ۇستىلەرىنە ساپالى سپورتتىق كيىم الىپ، ءوزارا قالا ىشىندە جارىستار ۇيىمداستىرار ەدىك دەيدى. ەندى الگى 75 ميلليوننىڭ 7 ميلليونىنا 3-4 جارىس ۇيىمداستىرىلادى دا، سول جەردە تۇسكەن فوتولار مەن ۆيدەولار وتچەت بولىپ اكىمشىلىككە جول تارتادى ەكەن. بۇل ماعان حابارلاسىپ وتىرعان بالالار باپكەرلەرىنىڭ ايتۋىنشا، قالىپتى جاعداي ەكەن، تەك وسىعان نۇكتە قويار كەز بولا ما دەپ اشىنادى. ول باپكەرلەر دە اقشانى الىپ، جەمقورلىققا باسادى عوي دەرسىزدەر. جوق، مەن قانشاما بالالار باپكەرلەرىن كورىپ ءجۇرمىن عوي. اسىرەسە فۋتبولدا. ولار ءوز ىسىنە بەرىلىپ كىرىسىپ، شامالارى كەلگەنشە جۇمىس ىستەپ جاتىر. فۋتبول الاڭىنىڭ ارەنداسىن ءوز قالتاسىنان تولەپ جۇرگەن باپكەردى دە كوردىك قوي. ولارعا مەن تولىق سەنەمىن. ال مىنا باسسىزدىق توقتامايىنشا، ەلدىڭ اقشاسى شاشىلعانى شاشىلعان.
ەرمۇحامەد ماۋلەن
