Kóz aldymyzda bolyp jatqan qyzyq oqıǵalardan syr sherte otyraıyq.
"Almaty qalasy Sport basqarmasy" kommýnaldyq memlekettik mekemesi "Sporttyq jáne uqsas is-sharalardy uıymdastyrý boıynsha qyzmetter" degen taqyryppen tender ótkizedi. (Taqyryptaǵy qateler jaıly sóz qozǵamaı tura turaıyq) 85 mln teńge usynady. 85 mln!!! Negizgi jumys - aýlalar arasynda balalardyń jarystaryn uıymdastyrý. Sony Astana qalasyndaǵy "Smart Promotion" JShS jeńip alady. Olar usynyp otyrǵan baǵa 75-aq mıllıon teńge. Al sol ne kompanııa ekenin saıtynan kirip qarasaq pıar-marketıngpen aınalysatyn ujym eken. Endi osy kisiler aýlalar arasynda jarystar uıymdastyryp, bizdiń balalarymyzdy sportqa baýlıdy.
Myna habardy estigen Almatydaǵy balalar bapkerleri kúıinip maǵan hat jazdy. Bul tenderdi bizge, Almaty qalasyndaǵy balalar fýtbol úıirmelerine berse ǵoı deıdi. Sol qarjyǵa zárý edik deıdi. Jarys uıymdastyryp, balalarǵa fýtbol oınaıtyn jaqsy jaǵdaı jasap, ústilerine sapaly sporttyq kıim alyp, ózara qala ishinde jarystar uıymdastyrar edik deıdi. Endi álgi 75 mıllıonnyń 7 mıllıonyna 3-4 jarys uıymdastyrylady da, sol jerde túsken fotolar men vıdeolar otchet bolyp ákimshilikke jol tartady eken. Bul maǵan habarlasyp otyrǵan balalar bapkerleriniń aıtýynsha, qalypty jaǵdaı eken, tek osyǵan núkte qoıar kez bola ma dep ashynady. Ol bapkerler de aqshany alyp, jemqorlyqqa basady ǵoı dersizder. Joq, men qanshama balalar bapkerlerin kórip júrmin ǵoı. Ásirese fýtbolda. Olar óz isine berilip kirisip, shamalary kelgenshe jumys istep jatyr. Fýtbol alańynyń arendasyn óz qaltasynan tólep júrgen bapkerdi de kórdik qoı. Olarǵa men tolyq senemin. Al myna bassyzdyq toqtamaıynsha, eldiń aqshasy shashylǵany shashylǵan.
Ermuhamed Máýlen
