قازاقستاندىق سپورتشى ءانۋار حالىقبەرگەنوۆ قىتايدىڭ حانچجوۋ قالاسىندا ءوتىپ جاتقان ازيا ويىندارىندا بەرىلگەن سپورتتىق جابدىقتاردىڭ نەلىكتەن سۇمدىق جاعدايدا ەكەنىن ءتۇسىندىردى، دەپ جازادى "ادىرنا". سپورتشى بۇل تۋرالى ZTB.KZ رەداكتسياسىندا ءبولىستى.
ول ۆيدەودا بەرىلگەن سپورتتىق فورمالارىنىڭ ماتاسىنىڭ ساپاسى وتە ناشار، كيىم ولشەمىنىڭ دۇرىس ەمەس ءارى كروسسوۆكيلەرىنىڭ ەكىنشى كۇنى-اق جىرتىلىپ قالعانىن ايتتى.
"سپورت فورماسىندا قازاقستان تۋىن قاراڭىزدار. ەكىنشى كۇن كيدىك، قازىر جابىسقاندارى اشىلىپ، ءتۇسىپ قالعان. شالبارلارىنىڭ سۇرى مىناۋ" دەدى ول وزىنە تىم ۇلكەن ولشەمدى كيىمىن كورسەتىپ.
ەستەرىڭىزگە سالا كەتەيىك، بۇعان دەيىن قازاقستاننىڭ تاۋ-ۆەلوسيپەد قۇراماسىنىڭ وكىلى الينا سارقۇلوۆا دا ازيا ويىندارىندا ءبىزدىڭ سپورتشىلار باق سىنايتىن سپورتتىق كيىمدەردىڭ ساپاسىزدىعىنا شاعىمدانعان بولاتىن. سپورتشىنىڭ ايتۋىنشا، فورما تىگىستەرىنىڭ ءسوتىلىپ كەتكەنىن، ول كروسسوۆكامەن ەكى رەت قانا جۇرە العانىن ايتقان. الينا فورمانى «ءبىر رەتتىك» دەپ اتادى.
ايتا كەتەيىك، سپورتتى دامىتۋ ديرەكتسياسى قازاقستاندىق سپورتشىلاردىڭ فورماسىنا قاتىستى داۋدى نازاردان تىس قالدىرمايدى. ازيا ويىندارىنان كەيىن وتاندىق سپورتشىلاردىڭ ءتۇرلى جارىستاردا ونەر كورسەتۋى ءۇشىن سپورتتىق قۇرال-جابدىقتاردى جاساۋ ماسەلەلەرىن زەرتتەيتىن كوميسسيا قۇرىلادى.
پوسموترەت ەتۋ پۋبليكاتسيۋ ۆ Instagram
