ءامىرجان قوسانوۆتىڭ ساياساتكەر رەتىندەگى تانىمالدىعى، بەدەلى مەن xريزماسى ءدال قازىر توقاەۆتىڭ بەدەلىن ىعىستىرىپ شىعارۋعا جەتكىلىكسىز. ەڭ بولماعاندا قازىر جەتكىلىكءسىز.
بىراق، بۇل سيتۋاتسيانى شەشۋگە بولادى. قوسانوۆتىڭ سايلاۋدى ءوز ۇپايىنا تولىق سىندىرا الاتىن ءبىر عانا مۇمكىندىگى بار. ول توقاەۆپەن اشىق، تىكەلەي ەفيردە، استانا ارەنادا دەباتقا شىعۋ. 20 جىل وپپوزيتسيادا ەكەنى راس بولسا بيلىكتىڭ بارلىق سالاداعى كەمشىلىگى مەن قاتەلىكتەرىنە كومپروماتى ءبىر باسىندا جەتكىلىكتى بولۋى كەرەك. توقاەۆ مەملەكەتتىك قىزمەتتە ىسىلعان ادام. ءومىرىنىڭ كوبىن كابينەتتە، شەتەلدە وتكىزگەن تۇلعا. حالىقتان الشاق ادام xالىقتىڭ نە ەستىگىسى كەلەتىنىن ءدوپ باسىپ ءدال دەباتتىڭ ۇستىندە ايتا المايدى. ادامنىڭ ءىشىن پىستىراتىن سوزدەرمەن اۋديتوريانى ۇستاي المايتىنىنا ءباس تىگەمىن. حاريزما جوق. ورىنداۋشى ادام. ەڭ باستى كەمشىلىگى قازاق تىلىنە شات-پات ساياساتكەر. دەبات قازاقشا وتسە قوسانوۆ تاس-تالقانىن شىعارىپ، وق بويى وزىق شىعۋى ءتيىس.
ساياسي دەبات ساياساتكەردىڭ بار قىرىن كەڭىنەن اشاتىن كەرەمەت ساياسي باسەكە. ەلدىڭ الدىندا توقاەۆتىڭ ءيمميدجىن ءتۇسىرىپ، ءوزىن كورسەتەر جالعىز مۇمكىندىك وسىندا عانا. ەگەر توقاەۆ دەبات بارىسىندا قازاقشاسى جەتپەي ورىسشاعا كوشسە توقاەۆتىڭ بۇكىل سايلاۋالدى جوسپارىن ەلدىڭ كوزىندە تالقانداي الادى. قوعامدا توقاەۆ مىنا قازاقشاسىمەن ءتىل ەمتيxانىنان قالاي ءوتتى دەگەن ساۋال مەن كۇدىك ءوزىنىڭ كۋلميناتسياسىنا جەتەدى. ورىس تىلىندە سويلەگەن توقاەۆ قازاقستانىڭ باتىس ءوڭىرى، قىزىلوردا مەن شىمكەنت، تاراز بەن الماتى xالقىنىڭ داۋسىن جوعالتارى انىق. ال، اتالعان وڭىرلەردە ەل xالقىنىڭ باسىم بولىگى قونىستانعان. ءاربىر بەسىنشى قازاقستاندىق قازاقى ءوڭىر شىمكەنتتەن ەكەنىن دە ەستەن شىعارماۋ كەرەك. ەگەر ستسەناري وسىلاي وربىسە ەرتەڭ بيلىك اكىمشىلىك كۇش ارقىلى سايلاۋدى بۇرمالاسا دا xالىق ءبارىن كورىپ وتىر. "سايلاۋ ادىلەتسىز ءوتتى" دەپ ەلدى بەيبىت ميتينگكە شاقىرۋ ارقىلى ءبىراز دۇنيەنىڭ اياعىن اسپاننان كەلتىرۋگە قوسانوۆتىڭ قولىندا ۇلكەن كرەديتى بولادى.
ەگەر ەشقانداي ساياسي دەبات بولماسا سايلاۋدا توقاەۆ جەڭىپ، ەل ءبىراز شۋلاپ باسىلاتىن ستسەناريمەن ساياسي دودا اياقتالادى. مەنىڭ ويىمشا بيلىك اشىق دەباتقا شىقپايدى. قاشقاقتايدى. شىعۋى مۇمكىن ءبىر جاعداي عانا بار. ول xالىق پەن قوعام بەلسەندى تۇردە تالاپ ەتۋى ءتيىس. ەل شۋلاپ جاتسا امال جوق كەلىسىم بەرۋى مۇمكىن. ارينە وندا دا قوسانوۆپەن الدىن الا كەلىسىپ، كوتەرىلەتىن تاقىرىپتار مەن سۇراقتار دايىندالادى. بيلىك ءبارىن ءوز ايتۋىمەن وتكىزەتىن شارتتاردا عانا دەباتقا كەلىسىم بەرەدى. قوسانوۆ دەباتتى بيلىك ايتقان جولمەن جاساۋعا استىرتىن كەلىسىپ، بىراق، xالىق الدىنا شىققاندا مۇلدەم باسقا تاقىرىپتار مەن سۇراقتاردى قوزعاسا (ساياساتتا وپپونەنتتى الداۋعا تولىق بولادى) توقاەۆتىڭ شارۋاسى تاعى ءبىتتى دەي بەرىڭىز.
ەگەر بۇل ستسەناري دا ىسكە اسپاسا قوسانوۆتىڭ الدىندا تاعى ءبىر مۇمكىندىك بار. ول استانا ارەنا نەمەسە الماتىداعى ورتالىق ستاديونعا xالىقتى جيناپ، توقاەۆتى اشىق ساياسي دەباتقا شاقىرىپ، كۇنىن بەلگىلەپ، 20-30 مىڭ xالىقتىڭ الدىندا ەل بولىپ، بۇكىل قازاقستان بولىپ وپپونەنتىن كۇتۋ. مۇنىڭ ءبارىن تىكەلەي ەفيردە وتكىزۋ. ەگەر، توقاەۆ كەلمەسە ەلدىڭ كوزىندە باسەكەدەن قاشقان، ەشقاشان دەباتقا تۇسپەگەن ەلباسىنىڭ سيستەماسىن جالعاستىرۋشى ساياساتكەر رەتىندە كورسەتىپ، "توقاەۆ بيلىككە كەلسە ەشتەڭە وزگەرمەيدى" دەگەن ادەمى پيارمەن بەدەلىن تۇسىرۋگە بولادى. بۇل سايلاۋدا جەڭىسكە اكەلۋى ەكىتالاي جول. بىراق، قوعامعا توقاەۆقا دەگەن سەنىمسىزدىك پەن كۇدىك سالاتىنى ءسوزسىز. ارى قاراي xالىقتى كوتەرىپ جىبەرۋ قوسانوۆتىڭ ساياساتكەر رەتىندەگى xاريزماسىنا بايلانىستى.
ەگەر قوسانوۆ وسى ايتىلعانداردىڭ ءبىرىن دە جاساماسا ءارى بيلىك دەباتقا كەلىسپەگەن كۇننىڭ وزىندە 20-30 مىڭ xالىقتى جيناپ، كۇنىن بەلگىلەپ، xالىق بولىپ كۇتىپ، "حالقىمىز ساياسي دەبات ءوتۋىن بەلسەندى تۇردە سۇرادى. مەن xالقىمنىڭ تىلەگىن ورىنداپ اشىق ديسكۋسسياعا شاقىردىم. توقاەۆ كەلمەدى. اشىق دەباتتان قاشتى. حالىقتى تىڭدامادى" دەگەن اڭگىمەگە كەلتىرمەسە، ارى قاراي وسى قولىنداعى xالىقتىڭ سەنىم كرەديتىن تولىق پايدالانباسا، دەمەك سايلاۋعا دەموكراتيالىق سيپات بەرۋ ءۇشىن قاتىسقان بيلىكتىڭ ادامى دەگەن ءسوز. "ابىلايدىڭ اسىندا شاپپاعاندا، اتاڭنىڭ باسىنا شاباسىڭ با؟" دەمەكشى 20 جىل وپپوزيتسيادا ءجۇرمىن دەگەن قوسانوۆتىڭ سايلاۋدا جارتىلاي شاپقىلاپ جۇرگەن ارەكەتىن باسقاشا ءتۇسىندىرۋ مۇمكىن ەمەس بولادى. ءبارىن ۋاقىت كورسەتەر. سايلاۋالدى ۇگىت-ناسيxات باستالعاندا قاي كانديداتتىڭ نە ايتاتىنا، ساياسي جۇرىستەرى مەن ايلا-تاسىلدەرىنە قاراپ ءبىراز نارسەنى اڭعارۋعا بولادى.
باۋىرجان سەرىكباەۆ
"ادىرنا" ۇلتتىق پورتالى
