2026 جىلدىڭ 1 قاڭتارىنان باستاپ لاتۆيادا ورىس تىلىندەگى قوعامدىق باق جۇمىسىن توقتاتۋى مۇمكىن، دەپ حابارلايدى «ادىرنا» ءتىلشىسى rus.lsm.lv-عا سىلتەمە جاساپ.
باسىلىمنىڭ جازۋىنشا، ەلدەگى ءورىستىلدى باق-تى جابۋ تالابى — ۇلتتىق قاۋىپسىزدىك تۇجىرىمداماسىنىڭ تارماقتارىنىڭ ءبىرى. مۇنداي قۇجاتتى ىشكى ىستەر مينيسترلىگى ءتورت جىل سايىن ازىرلەيدى.
«2022 جىلى مەملەكەتكە تونەتىن قاۋىپ-قاتەرلەرگە جاڭا تالداۋ جاسالدى. وسىلايشا بۇل جوبا ومىرگە كەلدى»،—دەدى ءىىم سالالىق ساياسات دەپارتامەنتى ديرەكتورىنىڭ ورىنباسارى يمانت زاكيس.
ول اتالعان قۇجاتتىڭ لاتۆيا سەيمىنە جانە پرەزيدەنت كەڭسەسىنە جىبەرىلگەنىن اتاپ ءوتتى. قاۋلى 1 قازانعا دەيىن قابىلدانۋى ءتيىس.
