وڭتۇستىك كورەيادا قازاقستاندىق ازامات قازا تاپتى.بۇل تۋرالى وڭتۇستىك كورەيالىق باق مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، وقيعا 20 قىركۇيەك كۇنى تاڭعى ساعات 8:25 شاماسىندا بولعان.
47 جاستاعى ا. ەسىمدى قازاقستان ازاماتى كيمحە قالاسىنىڭ كۆاندون اۋدانىنداعى 18-قاباتتاعى پاتەردىڭ توبەسىنە بوياۋ جۇمىستارى ءۇشىن قورعانىس جولاعىن ورناتىپ جاتقان. بولجام بويىنشا، ول قاۋىپسىزدىك جولاعىن ورناتۋ ءۇشىن درەناجدان ءوتىپ بارا جاتقاندا كەرتپەدەن قۇلاپ كەتكەن. قۇلاعان ازامات بىردەن اۋرۋحاناعا جەتكىزىلگەنىمەن، دارىگەرلەر ونى امان الىپ قالا المادى، – دەلىنگەن حابارلامادا.
اقپارات بويىنشا، قازاقستان ازاماتى زاڭسىز جۇمىس ىستەپ جۇرگەن بولۋى مۇمكىن. ونىمەن بىرگە 50-گە جۋىق ادام جۇمىس ىستەيدى.
كورەيانىڭ ەڭبەك مينيسترلىگى جازاتايىم وقيعانىڭ ءمان-جايىن، سونىڭ ىشىندە "ەڭبەكتى قورعاۋ جانە قاۋىپسىزدىك تۋرالى" زاڭنىڭ بۇزىلۋىن تەكسەرىپ جاتىر. ال پوليتسيا جۇمىس ورنىنداعى كىسى ءولتىرۋ فاكتىسىنە تەكسەرىس جۇرگىزۋدە.
