ورالدا اباي اتىنداعى الاڭعا بوس پلاكات ۇستاپ شىققان تۇرعىن پوليتسيا قىزمەتكەرلەرىمەن ۇستالدى. ول وسىنداي ارەكەتى ارقىلى قازاقستاندا ازاماتتىق قۇقىق جوق دەگەن پىكىرىن بىلدىرگىسى كەلگەن.
بۇل تۋرالى «ۋرالسكايا نەدەليا» باسىلىمى حابارلايدى.
24 جاستاعى اسلان ساعۋتدينوۆ 6 مامىردا قولىنا بوس پلاكات ۇستاپ، قالالىق اكىمدىكتىڭ الدىنداعى اباي اتىنداعى الاڭعا شىققان. ونىڭ سوزىنشە، ول بوس پلاكاتتى ۇستاپ، قازاقستاندا ءسوز بوستاندىعى مەن دەموكراتيا جوق دەگەن پىكىرىن بىلدىرمەك بولىپتى.
«مەن شەرۋگە قاتىسپايتىن قاراپايىم ازامات ەكەنىمدى كورسەتكىم كەلەدى. الايدا مەن ءبارى ءبىر پوليتسيا بولىمشەسىنە الىپ كەتەدى. ءتىپتى، پلاكاتتى ەشقانداي جازۋ بولماسا دا، مەن ءتۇرلى ۇرانداردى ايتىپ، ايقايلاماسام دا. مەنىڭ ەسىمىم – اسلان ساعۋتدينوۆ. مەن ارعى تاريحىنان بەرى ەركىن قازاق ەلى بۇگىن دە ەركىن بولىپ قالعانىن قالايمىن»، - دەيدى جاس جىگىت.
اسلان ساعۋتدينوۆتىڭ الاڭدا بوس پلاكاتپەن تۇرعان ۋاقىتى 5 مينۋتتىڭ شاماسىندا عانا بولدى. سول جەرگە پوليتسيا قىزمەتكەرلەرى مەن قالا اكىمدىگىنىڭ ىشكى ساياسات ءبولىمىنىڭ باسقارۋشىسى ەربول كوشەكوۆ جەتتى.
ارادا بىرنەشە مينۋت وتكەننەن كەيىن پوليتسيا قىزمەتكەرلەرى اسلاندى كۇشتەپ پوليتسيا كولىگىنە وتىرعىزدى. ولار جىگىتتىڭ نە ءۇشىن ۇستالعانى تۋرالى سۇراققا «انىقتايمىز» دەپ جاۋاپ بەردى.
ارتىنشا پوليتسەيلەر اسلاندى بوساتتى. اسلاننىڭ سوزىنشە، ءتارتىپ ساقشىلارى جارتى ساعات شاماسىندا پلاكاتقا بىردەڭە جازۋىن سۇراعان.
«پوليتسەيلەر اكىمشىلىك حاتتاما تولتىرۋ ءۇشىن، پلاكاتقا بىردەڭە جازۋىمدى سۇرادى. مەن باس تارتتىم. ولار مەنەن تۇسىنىكتەمە الىپ، ۇيگە جىبەردى»، - دەيدى بەلسەندى.
