Oralda Abaı atyndaǵy alańǵa bos plakat ustap shyqqan turǵyn polıııa qyzmetkerlerimen ustaldy. Ol osyndaı áreketi arqyly Qazaqstanda azamattyq quqyq joq degen pikirin bildirgisi kelgen.
Bul týraly «Ýralskaıa nedelıa» basylymy habarlaıdy.
24 jastaǵy Aslan Saǵýtdınov 6 mamyrda qolyna bos plakat ustap, qalalyq ákimdiktiń aldyndaǵy Abaı atyndaǵy alańǵa shyqqan. Onyń sózinshe, ol bos plakatty ustap, Qazaqstanda sóz bostandyǵy men demokratııa joq degen pikirin bildirmek bolypty.
«Men sherýge qatyspaıtyn qarapaıym azamat ekenimdi kórsetkim keledi. Alaıda men bári bir polıııa bólimshesine alyp ketedi. Tipti, plakatty eshqandaı jazý bolmasa da, men túrli urandardy aıtyp, aıqaılamasam da. Meniń esimim – Aslan Saǵýtdınov. Men arǵy tarıhynan beri erkin qazaq eli búgin de erkin bolyp qalǵanyn qalaımyn», - deıdi jas jigit.
Aslan Saǵýtdınovtyń alańda bos plakatpen turǵan ýaqyty 5 mınýttyń shamasynda ǵana boldy. Sol jerge polıııa qyzmetkerleri men qala ákimdiginiń ishki saıasat bóliminiń basqarýshysy Erbol Kóshekov jetti.
Arada birneshe mınýt ótkennen keıin polıııa qyzmetkerleri Aslandy kúshtep polıııa kóligine otyrǵyzdy. Olar jigittiń ne úshin ustalǵany týraly suraqqa «anyqtaımyz» dep jaýap berdi.
Artynsha polıeıler Aslandy bosatty. Aslannyń sózinshe, tártip saqshylary jarty saǵat shamasynda plakatqa birdeńe jazýyn suraǵan.
«Polıeıler ákimshilik hattama toltyrý úshin, plakatqa birdeńe jazýymdy surady. Men bas tarttym. Olar menen túsinikteme alyp, úıge jiberdi», - deıdi belsendi.
