بۇگىن ورتالىق سايلاۋ كوميسسياسى سوڭعى بولىپ "ۇلت تاعدىرى" قوزعالىسى اتىنان پرەزيدەنتتىككە كانديدات رەتىندە ۇسىنىلعان ءامىرجان قوسانوۆقا كۋالىك تابىستادى.
وسك مۇشەسى اقىلبەك يحدانوۆ 27 ءساۋىر كۇنى "ۇلت تاعدىرى" قوزعالىسى قوسانوۆتى قر پرەزيدەنتتىگىنە كانديدات رەتىندە ۇسىنىپ، پرەزيدەنتتىككە كانديدات رەتىندە ۇسىنۋ تۋرالى حاتتاماسىنان ءۇزىندى; پرەزيدەنتتىككە كانديدات رەتىندە قوسانوۆتىڭ داۋىسقا تۇسۋگە كەلىسىم بەرگەنى تۋرالى كانديدات ءوتىنىشى مەن ومىرباياندىق دەرەكتەرى; سايلاۋ جارناسىن ەنگىزگەنىن كۋالاندىراتىن قۇجات ۇسىنىلىپ كانديداتتىڭ مەملەكەتتىك ءتىلدى مەڭگەرگەنىن انىقتاۋ نەگىزىندە ورتالىق سايلاۋ كوميسسياسىنىڭ 28 ساۋىردەگى قاۋلىسىمەن پرەزيدەنتتىككە كانديداتتىڭ سايلاۋ تۋرالى زاڭنامالاردا قويىلعان تالاپتارعا سايكەستىگى بەلگىلەنىپ، قول جيناۋ پاراقتارى بەرىلگەنىن ايتتى.
كانديداتتى تىركەۋ ءۇشىن ورتالىق سايلاۋ كوميسسياسىنا پرەزيدەنتتىككە كانديدات ءامىرجان قوسانوۆتىڭ كىرىستەرى مەن مۇلكى تۋرالى دەكلاراتسيا جونىندە مەملەكەتتىك كىرىس ورگانىنىڭ انىقتاماسى; كانديداتتى تىركەۋگە كەدەرگى كەلتىرەتىن اۋرۋلاردىڭ جوقتىعى تۋرالى مەديتسينالىق قورىتىندى; وبلىستاردىڭ، رەسپۋبليكالىق ماڭىزى بار قالالار مەن استانانىڭ اۋماقتىق سايلاۋ كوميسسيالارىنىڭ ازاماتتاردىڭ پرەزيدەنتتىككە كانديدات قوسانوۆتى قولداپ جينالعان قولدارىن تەكسەرۋدىڭ ناتيجەلەرى تۋرالى حاتتامالارى ۇسىنىلدى.
15 ساۋىردەگى №13/237 ورتالىق سايلاۋ كوميسسياسىنىڭ قاۋلىسىمەن قر پرەزيدەنتتىگىنە كانديداتتى قولداپ جينالعان راس قولدار 118 140-تان كەم بولماۋى ءتيىس دەلىنگەن بولاتىن.
«وبلىستاردىڭ، رەسپۋبليكالىق ماڭىزى بار قالالار مەن استانانىڭ اۋماقتىق سايلاۋ كوميسسيالارىنىڭ حاتتامالارىنا سايكەس كانديدات احمەتبەكوۆتى قولداپ 14 وڭىردەن 131 189 ازاماتتىق قول جينالدى، ونىڭ ىشىندە 129 582 قول راس دەپ تانىلدى", - دەدى دەپ مالىمدەدى وسك مۇشەسى.
ءامىرجان قوسانوۆتى پرەزيدەنتتىككە كانديدات رەتىندە تىركەۋ ءۇشىن بارلىق ءتيىستى قۇجات كوميسسياعا ۇسىنىلىپ، قويىلعان تالاپتارعا تولىعىمەن سايكەس كەلدى. قر پرەزيدەنتتىگىنە كانديدات رەتىندە تىركەۋ ءۇشىن وسك قاۋلىسىمەن 9 ماۋسىمدا وتەتىن كەزەكتەن تىس پرەزيدەنت سايلاۋىنا كانديدات رەتىندە تىركەپ، قوسانوۆقا ءتيىستى كۋالىك بەرىلدى. كانديداتقا «حالىق جيناق بانكىنە» ارنايى ۋاقىتشا شوت اشۋ ءۇشىن تىركەلۋ تۋرالى مالىمەتتەر بەرىلەدى.
