Ámirjan Qosanov prezıdenttikke kandıdat retinde tirkeldi

1880
Adyrna.kz Telegram

Búgin Ortalyq saılaý komıssııasy sońǵy bolyp "Ult taǵdyry" qozǵalysy atynan prezıdenttikke kandıdat retinde usynylǵan Ámirjan Qosanovqa kýálik tabystady.

OSK múshesi Aqylbek Ihdanov 27 sáýir kúni "Ult taǵdyry" qozǵalysy Qosanovty QR prezıdenttigine kandıdat retinde usynyp,  prezıdenttikke kandıdat retinde usyný týraly hattamasynan úzindi; prezıdenttikke kandıdat retinde Qosanovtyń daýysqa túsýge kelisim bergeni týraly kandıdat ótinishi men ómirbaıandyq derekteri; saılaý jarnasyn engizgenin kýálandyratyn qujat usynylyp kandıdattyń memlekettik tildi meńgergenin anyqtaý negizinde Ortalyq saılaý komıssııasynyń 28 sáýirdegi qaýlysymen prezıdenttikke kandıdattyń saılaý týraly zańnamalarda qoıylǵan talaptarǵa sáıkestigi belgilenip, qol jınaý paraqtary berilgenin aıtty.

Kandıdatty tirkeý úshin Ortalyq saılaý komıssııasyna prezıdenttikke kandıdat Ámirjan Qosanovtyń kiristeri men múlki týraly deklaraııa jóninde memlekettik kiris organynyń anyqtamasy; kandıdatty tirkeýge kedergi keltiretin aýrýlardyń joqtyǵy týraly medıınalyq qorytyndy; oblystardyń, respýblıkalyq mańyzy bar qalalar men astananyń aýmaqtyq saılaý komıssııalarynyń azamattardyń prezıdenttikke kandıdat Qosanovty qoldap jınalǵan qoldaryn tekserýdiń nátıjeleri týraly hattamalary usynyldy.

15 sáýirdegi №13/237 Ortalyq saılaý komıssııasynyń qaýlysymen QR prezıdenttigine kandıdatty qoldap jınalǵan ras qoldar 118 140-tan kem bolmaýy tıis delingen bolatyn.

«Oblystardyń, respýblıkalyq mańyzy bar qalalar men astananyń aýmaqtyq saılaý komıssııalarynyń hattamalaryna sáıkes kandıdat Ahmetbekovti qoldap 14 óńirden  131 189 azamattyq qol jınaldy, onyń ishinde 129 582 qol ras dep tanyldy", - dedi dep málimdedi OSK múshesi.

Ámirjan Qosanovty prezıdenttikke kandıdat retinde tirkeý úshin barlyq tıisti qujat komıssııaǵa usynylyp, qoıylǵan talaptarǵa tolyǵymen sáıkes keldi. QR prezıdenttigine kandıdat retinde tirkeý úshin OSK qaýlysymen 9 maýsymda ótetin kezekten tys prezıdent saılaýyna kandıdat retinde tirkep, Qosanovqa tıisti kýálik berildi. Kandıdatqa «Halyq jınaq bankine» arnaıy ýaqytsha shot ashý úshin tirkelý týraly málimetter beriledi.

Pikirler