وڭدەۋشى ونەركاسىپتىڭ سالالىق كەڭەسىنىڭ مۇشەلەرى وبلىستىڭ كاسىپكەرلەر پالاتاسى الاڭىندا ۇيىمداستىرىلعان سەمينار اياسىندا ونەركاسىپتىك كاسىپورىنداردىڭ ماسەلەلەرىن تالقىلادى.
"جەتىسۋ وبلىسى بويىنشا 500-دەن استام ونەركاسىپتىك كاسىپورىن بار، ونىڭ 16-سى ءىرى، 14-ءى ورتا. بۇگىنگى تاڭدا 80 پايىزعا جۋىعى وڭدەۋشى ونەركاسىپتىڭ ۇلەسىن قۇرايدى. اككۋمۋلياتورلىق باتارەيالار، تەمىربەتون، ەلەكتروتەحنيكالىق، كابەلدىك بۇيىمدار جانە ت.ب. ءوندىرىس بار،" – دەپ اتاپ ءوتتى كاسىپكەرلىك جانە يندۋستريالىق – يننوۆاتسيالىق دامۋ باسقارماسىنىڭ باسشىسى دياس سەرىكوۆ.
كاسىپكەرلەرمەن كەزدەسۋ بارىسىندا "QazIndustry", "QazTrade", سونداي-اق "قازەكسپورتگارانت" دامۋ ينستيتۋتتارىنىڭ وكىلدەرى مەملەكەتتىك قولداۋ شارالارى تۋرالى ەگجەي-تەگجەيلى ايتىپ بەردى.
"بۇگىنگى تاڭدا ءبىزدىڭ ينستيتۋت ونەركاسىپ سالالارىنىڭ پروبلەمالارىن جانە ولاردى شەشۋ جولدارىن انىقتاۋدا جۇمىس جۇرگىزۋدە، ونىڭ قورىتىندىسى بويىنشا مەملەكەت باسشىسىنا ۇلتتىق بايانداما ءۇشىن اقپارات دايىندالادى. مۇنىڭ ءبارى ەلدەگى بيزنەس-كليماتتى جاقسارتۋ ءۇشىن جۇزەگە اسىرىلدى. سەرىكتەستەرمەن ءبىز اۋديت جۇرگىزۋ ماقساتىندا كاسىپورىندارعا بارامىز. ساپار قورىتىندىسى بويىنشا تسيفرلىق ستراتەگيا دايىندالۋدا. وتكەن جىلدىڭ قورىتىندىسى بويىنشا ءبىز جيىرماعا جۋىق كاسىپورىندى ارالادىق", - دەدى "QazIndustry" بيزنەستى ىنتالاندىرۋ ديرەكتسياسىنىڭ باسشىسى ارىستانبەك ساعيەۆ.
"QazTrade" جوبالاردى دامىتۋ دەپارتامەنتىنىڭ وكىلى باقتيار ساداباەۆ ينتەگراتسيالىق پروتسەستەردە وتاندىق بيزنەستىڭ مۇددەلەرىن قورعاۋ جانە ىلگەرىلەتۋ، شيكىزاتتىق ەمەس ەكسپورتتى دامىتۋ، ريتەيل جانە بيزنەس-قوعامداستىقتارمەن ءوزارا ءىس-قيمىل تۋرالى وتكەن جىلدىڭ قورىتىندىسى بويىنشا شىعىنداردىڭ ورنىن تولتىرعان كومپانيالار تۋرالى ايتىپ بەردى.
