ەكىباستۇزدا ساۋدا ورتالىعى ورتەندى، دەپ حابارلايدى “ادىرنا” ءتىلشىسى.
جەرگىلىكتى توتەنشە جاعدايلار دەپارتامەنتىنە ەكىباستۇز قالاسىنداعى ساۋدا ورتالىقتارىنىڭ بىرىندە ءورت شىققانى حابارلانعان.
«10 قىركۇيەك كۇنى ساعات 08:00-دە ەكىباستۇز قالاسىنداعى MAXI MALL ساۋدا ورتالىعىندا ءورت شىققانى تۋرالى حابار ءتۇستى. ءورت ورنىنا دەرەۋ 6 بىرلىك تەحنيكا مەن 30 جەكە قۇرام اتتاندى»، - دەپ حابارلادى جەكسەنبى كۇنى توتەنشە جاعدايلار دەپارتامەنتى.
ءورت 50 شارشى مەتردەن باستالعان. عيماراتتىڭ ءۇشىنشى قاباتىنداعى بالالار كيىمدەرى مەن ويىنشىقتار دۇكەنىندە پايدا بولعان قىزىل جالىن بالالار كيىمدەرى مەن ويىنشىقتار دۇكەنى دە جانعان.
سونداي-اق، 7 شارشى مەتر اۋماقتاعى ايەلدەر كيىمى دۇكەنىندەگى زاتتارعا دا زيان كەلگەن. جالپى ءورتتىڭ اۋماعى 57 شارشى مەتر.
ۆەدومستۆو ءورت سوندىرۋشىلەر ءتورت ادامدى ەۆاكۋاتسيالاعانىن حابارلادى.
ورتالىقتا شىققان ورتتەن زارداپ شەككەندەر مەن قۇرباندار جوق.
ءورتتىڭ شىعۋ سەبەبى انىقتالۋدا.
ۇقساس جاڭالىقتار
