KitapFest كىتاپ فەستيۆالى-ەڭ اۋقىمدى مادەني-بۇقارالىق وقيعا. 2014 جىلدان بەرى وتكىزىلىپ كەلە جاتقان KitapFest رەسپۋبليكالىق دەڭگەيدەگى العاشقى كىتاپ فەستيۆالى بولىپ تابىلادى. 9 جىل ىشىندە ول تانىمال قازاقستاندىق اۆتورلار مەن باسپالاردىڭ قاتىسۋىمەن 200-دەن استام كىتاپتىڭ تۇساۋكەسەرىن وتكىزگەن شىعارماشىلىق جازۋشىلىق كەزدەسۋلەر ءۇشىن بەدەلدى جانە قۋاتتى الاڭعا اينالدى.
2023 جىلعى KitapFest Almaty فەستيۆالىنىڭ تاقىرىبى: «ۇلتتىق ادەبيەت. ۇلتتىق ءتىل. ۇلتتىق داستۇرلەر». كەلۋشىلەردى اۋقىمدى مادەني باعدارلاما، دوسىم ساتباەۆ، ەلدوس توقتارباي، بەيبىت سارىباي، سماعۇل ەلۋباي، ابىلاي يۋسۋپوۆ، اسەل ساپاقوۆا جانە باسقا دا كوپتەگەن تانىمال تۇلعالارمەن كەزدەسۋ كۇتىپ تۇر. سونداي-اق، «مەنىڭ العاشقى ەرتەگىلەرىم»، «كاك وسەدلات ەدينوروگا؟»، «Tarmaqtar» جانە ت.ب جاڭا كىتاپتاردىڭ تۇساۋكەسەرى وتەدى.
KitapFest Almaty 2023 اياسىندا:
- «جازۋشىلار شاتىرى». كىتاپتار تۇساۋكەسەرى، اۆتورلار مەن جازۋشىلارمەن سۇحبات.
- «كىتاپتار جايلى Offline». قوعام قايراتكەرلەرى مەن تانىمال بلوگەرلەردىڭ كىتاپ وقۋدىڭ پايداسى جانە ولاردىڭ سۇيىكتى شىعارمالارى تۋرالى پىكىرلەرى جانە ت.ب.
- «جازۋ ونەرى جانە شىعارماشىلىق ۇدەرىس». جاس جازۋشىلار مەن باسپاگەرلەرگە كىتاپتاردى ناسيحاتتاۋ قۇپيالارى، اۆتورلىق قۇقىقتى قورعاۋ تۋرالى سەمينارلار مەن دارىستەر.
- «قازاق قالامگەرلەرى». قازاق ءتىلدى جازۋشىلار مەن اقىندارمەن سۇحبات.
- «وقىرمان ۇلتتىڭ ۇرپاعىمىز» كورمەسىندە جازۋشىلار مەن اقىنداردىڭ مۇراعاتتىق فوتوسۋرەتتەرىنەن فوتوكوللاج ۇسىنىلادى.
- مينياتيۋرالىق كىتاپ كورمەسى. قازاقستاننىڭ ۇلتتىق اكادەميالىق كىتاپحاناسىمەن بىرلەسىپ سيرەك كەزدەسەتىن كىتاپتار كورمەسى.
- كىتاپ جارمەڭكەسى. كىتاپ دۇكەندەرى، باسپاگەرلەر جانە ينتەرنەت-دۇكەندەر ءوز كىتاپ ونىمدەرىن 20% - عا دەيىنگى جەڭىلدىكپەن ۇسىنادى.
- «كىتاپ الماسۋ». ءوز سورەڭىزدى ءارتۇرلى جانرداعى قىزىقتى كىتاپتارمەن تولىقتىرۋدىڭ بىرەگەي مۇمكىندىگى.
- بالالارعا ارنالعان ويىن-ساۋىق باعدارلاماسى. (انيماتورلار، ويىن-ساۋىق شوۋ-باعدارلاماسى، شەبەرلىك سىنىپتارى، بەت بوياۋى، كونكۋرستار).
فەستيۆالدە «اۋىلعا كىتاپ» ءداستۇرلى اكتسياسى وتەدى، وندا كەز-كەلگەن ادام كىتاپتى قازاقستاننىڭ اۋىلدىق كىتاپحانالارىنا تاپسىرا الادى. سونداي-اق، الماتىلىقتارعا 5000 تەگىن كىتاپ تاراتىلاتىن بىرەگەي «كءىتاپ ءلابيرينتى» قۇرىلادى.
وتەتىن كۇنى مەن ۋاقىتى: 9 قىركۇيەك، 2023 جىل، ساعات: 11.00-19.00. (كىرۋ تەگىن)
وتەتىن ورنى: الماتى قالاسى، اربات الاڭى
ۇيىمداستىرۋشىلار: الماتى قالاسى اكىمدىگىنىڭ مادەنيەت باسقارماسىنىڭ قولداۋىمەن «BAURZHAN foundation» قورى جانە الماتى قالاسى ورتالىقتاندىرىلعان كىتاپحانا جۇيەسى.
