ايزادا ەسىمدى اياگوز تۇرعىنى تۋعان ءىنىسىنىڭ سالافيتتىك اعىمعا كىرىپ كەتىپ، ەشكىمگە باعىنباي كەتكەنىن ايتىپ، وسىنداي جاعدايعا تاپ بولعان كوپشىلىكتەن كومەك سۇرادى. بويجەتكەننىڭ سوزىنشە، جات اعىمنىڭ جەتەگىنە كەتكەن باۋىرى وتباسىن ابدەن سارى ۋايىمعا سالعان. ال بالاسىنىڭ بەتىن قايتارا الماعان اكەسى ءتۇن جارىمىندا تۇرىپ، وكىرىپ جىلايدى ەكەن، دەپ جازادى Stan.kzاقپارات اگەنتتىگى.
سالافيتتىك اعىمنىڭ جەتەگىندە كەتكەن ايزادانىڭ ءىنىسى 1995 جىلى تۋعان جاپ-جاس جىگىت. ول 12 جاسىنان باستاپ نامازعا جىعىلعان. بىراق، اكەسىنىڭ ايتۋىنشا، ەركەبۇلان ەسىمدى كورشى بالا تەرەزەنى جاۋىپ قويىپ، وعان ناماز وقىتاتىن. بۇنىمەن قويماي، دارىن دەگەن جىگىتتىڭ YouTube-تەگى ۋاعىزدارىن تىڭداتقان ەكەن.
«وسىلاردى تىڭداپ وسكەن ءىنىم ءبىر كۇنى اياگوزدەگى مەشىتكە بارىپ شۋ شىعاردى. ونى جەرگىلىكتى يمامدار تانيدى. قازىر ول اۋىلدا تۇرىپ جاتىر. وعان ءبارىن ءتۇسىندىرىپ، قاتەلەسىپ جۇرگەنىن ايتساق ءبىزدى مۇلدەم تىڭداعىسى كەلمەيدى. يمامدار بۇنى «ءسالافيزم» دەگەن مۇسىلمانشىلىقتىڭ ءبىر ءتۇرى» دەيدى. ول ءتىپتى اكەمدى تىڭدامايدى. ايتقانىن تىڭداتا الماعان اكەم ءتۇننىڭ ءبىر ۋاقىتىندا تۇرىپ: «ا، قۇداي، ساعان نە جازدىم؟!» دەپ وكىرىپ جىلايدى»،-دەيدى ايزادا.
جاس جىگىت اتا-اناسىن جىلاتقانىمەن قويماي، سوڭعى كەزدەرى ءتىپتى اپكەسىنە قول كوتەرەتىن بولىپتى. ول اناسى مەن اپكەسىنە ورامال تاعىڭدار دەپ، ولاردى تۇمشالاپ قويماقشى ەكەن. اكە-شەشەسى مەن تۋعان اپكەسىن ابدەن قيناعان جىگىت نە مولدالاردى مەنسىنبەيدى. ال ايەلى مەن بالاسى ول ءۇشىن ەكىنشى سوتتارعى ادامدار. باۋىرىنىڭ وسىنداي جات اعىمنىڭ جەتەگىندە كەتكەنىنە قاپا بولعان بويجەتكەن ءىنىم ءتىپتى شەلپەك سالدىرپايدى دەيدى.
«نە تەلەديداردان ولەڭ تىڭداتپايدى، نە جەتى شەلپەك پىسىرتپەيدى. كۇندىز-ءتۇنى ايتاتىنى قورقىنىشتى ۋاعىزدار. ونىڭ ۇستىنە ول وتە قىزعانشاق. دىنگە ەرتە كەزدەن بەت بۇرعاندىقتان با، پسيحيكاسىنا زاقىم كەلگەن سياقتى»،- دەيدى ايزادا.
ايتۋىنشا، ءىنىسى بىلتىر كوتەرىلىپ، قاتتى اۋىرعان ەكەن. سوندا ونى الماتىدان قول-اياعىن بايلاپ ارەڭ اكەلىپتى. ميى ۋلانعان جىگىتتىڭ اپكەسى ىنىمە ءدىن ماماندارىنىڭ ەمەس، كاسىبي پسيحولوگتاردىڭ كومەگى قاجەت سياقتى دەيدى. بىراق، ولار كوپبالالى وتباسى بولعان سوڭ، باۋىرىن ەمدەتۋگە ءازىر قاراجاتتارى جوق. كىمنەن كومەك سۇرارىن بىلمەي باسىم قاتقان ايزادا وسىنداي جاعدايعا تاپ بولعان كىسىلەر بولسا، ءوز كەڭەستەرىن بەرسە ەكەن دەيدى.
ايتا كەتەتىنى، ايزادانىڭ باۋىرى كوپبالالى وتباسىنان شىققاندىقتان جوعارى ءبىلىم الا الماعان. بۇگىندە جات اعىمنىڭ جەتەگىندە كەتكەن جىگىت جۇمىسسىز. تۋىستارىنىڭ ايتۋىنشا، مىنەزى قيىن بولعاندىقتان، ەشقانداي جەردە جۇمىس ىستەي المايدى.
