Aızada esimdi Aıagóz turǵyny týǵan inisiniń sáláfıttik aǵymǵa kirip ketip, eshkimge baǵynbaı ketkenin aıtyp, osyndaı jaǵdaıǵa tap bolǵan kópshilikten kómek surady. Boıjetkenniń sózinshe, jat aǵymnyń jetegine ketken baýyry otbasyn ábden sary ýaıymǵa salǵan. Al balasynyń betin qaıtara almaǵan ákesi tún jarymynda turyp, ókirip jylaıdy eken, dep jazady Stan.kzaqparat agenttigi.
Sáláfıttik aǵymnyń jeteginde ketken Aızadanyń inisi 1995 jyly týǵan jap-jas jigit. Ol 12 jasynan bastap namazǵa jyǵylǵan. Biraq, ákesiniń aıtýynsha, Erkebulan esimdi kórshi bala terezeni jaýyp qoıyp, oǵan namaz oqytatyn. Bunymen qoımaı, Daryn degen jigittiń YouTube-tegi ýaǵyzdaryn tyńdatqan eken.
«Osylardy tyńdap ósken inim bir kúni Aıagózdegi meshitke baryp shý shyǵardy. Ony jergilikti ımamdar tanıdy. Qazir ol aýylda turyp jatyr. Oǵan bárin túsindirip, qatelesip júrgenin aıtsaq bizdi múldem tyńdaǵysy kelmeıdi. Imamdar buny «sáláfızm» degen musylmanshylyqtyń bir túri» deıdi. Ol tipti ákemdi tyńdamaıdy. Aıtqanyn tyńdata almaǵan ákem túnniń bir ýaqytynda turyp: «A, qudaı, saǵan ne jazdym?!» dep ókirip jylaıdy»,-deıdi Aızada.
Jas jigit ata-anasyn jylatqanymen qoımaı, sońǵy kezderi tipti ápkesine qol kóteretin bolypty. Ol anasy men ápkesine oramal taǵyńdar dep, olardy tumshalap qoımaqshy eken. Áke-sheshesi men týǵan ápkesin ábden qınaǵan jigit ne moldalardy mensinbeıdi. Al áıeli men balasy ol úshin ekinshi sottarǵy adamdar. Baýyrynyń osyndaı jat aǵymnyń jeteginde ketkenine qapa bolǵan boıjetken inim tipti shelpek saldyrpaıdy deıdi.
«Ne teledıdardan óleń tyńdatpaıdy, ne jeti shelpek pisirtpeıdi. Kúndiz-túni aıtatyny qorqynyshty ýaǵyzdar. Onyń ústine ol óte qyzǵanshaq. Dinge erte kezden bet burǵandyqtan ba, psıhıkasyna zaqym kelgen sııaqty»,- deıdi Aızada.
Aıtýynsha, inisi byltyr kóterilip, qatty aýyrǵan eken. Sonda ony Almatydan qol-aıaǵyn baılap áreń ákelipti. Mıy ýlanǵan jigittiń ápkesi inime din mamandarynyń emes, kásibı psıhologtardyń kómegi qajet sııaqty deıdi. Biraq, olar kópbalaly otbasy bolǵan soń, baýyryn emdetýge ázir qarajattary joq. Kimnen kómek suraryn bilmeı basym qatqan Aızada osyndaı jaǵdaıǵa tap bolǵan kisiler bolsa, óz keńesterin berse eken deıdi.
Aıta ketetini, Aızadanyń baýyry kópbalaly otbasynan shyqqandyqtan joǵary bilim ala almaǵan. Búginde jat aǵymnyń jeteginde ketken jigit jumyssyz. Týystarynyń aıtýynsha, minezi qıyn bolǵandyqtan, eshqandaı jerde jumys isteı almaıdy.
