سايلاۋ زاڭىنداعى ولقىلىقتار:
1. نەگە پرەزيدەنت سايلاۋىنا كانديدات تۇلعا 5 جىل مەملەكەتتىك قىزمەتتە جۇمىس ىستەۋى كەرەك؟.. جەكە كاسىپكەرلەر، ۇلتتىق كومپانيالاردا ەڭبەك ەتەتىن ميلليونداعان ازاماتتاردىڭ سايلانۋ قۇقىعى نەگە شەكتەلەدى؟..
2. نەگە قازاقستان ازاماتتارى پرەزيدەنت سايلاۋىنا ءوزىن-ءوزى ۇسىنا المايدى؟.. نە ءۇشىن ساياسي پارتيالار مەن قوعامدىق ۇيىمدار عانا ۇسىنۋى كەرەك؟..
جاۋابى انىق. ساياسي پارتيالار مەن قوعامدىق ۇيىمداردىڭ تولىعى دەرلىك بيلىك تاراپىنان باقىلاۋعا الىنعان. وسى ارقىلى سايلاۋ كەزىندە ىڭعايلى كانديداتتاردى عانا شىعارىپ اشىق ساياسي باسەكەگە جول بەرمەۋ. مەملەكەتتىك قىزمەتتە ىستەگەن ازاماتتاردى عانا سايلاۋعا قاتىستىرۋ ارقىلى 70-80% قازاقستان ازاماتتارىنىڭ سايلانۋ قۇقىعىن شەكتەۋ.
مەنىڭ ويىمشا ەلباسى قۇرمەتتى دەمالىسقا كەتىپ، بيلىكتى كەلەسى پرەزيدەنتكە تاپسىرماي قازاقستاندا دەموكراتيالىق پرينتسيپتەردىڭ دامۋى زامان اعىمىنان كەيىن قالا بەرەدى. "اۋەلى ەكونوميكا ودان كەيىن ساياسات" ۇستانىمى شالا-شارپى ورىندالدى. 30 جىلدا جەتكەن كۇنىمىز، بارىمىز وسى. كەزەك ساياسي رەفورمادا. زاماننىڭ اعىمى وسىعان اكەلۋدە. XX عاسىردىڭ باسىندا انگليا، گەرمانيا، رەسەي، وسمان يمپەراتورلارى مەن مونارxيالىق جۇيەلەرى كەلمەسكە كەتتى. XXI عاسىردا اۆتوريلارلىق جۇيلەر مەن 30 جىلداپ بيلىكتە وتىراتىن پرەزيدەنتتەر بىرىنەن كەيىن ءبىرى كەلمەسكە كەتۋدە. قازاقستان دا الەمدىك قاۋىمداستىقتىڭ ءبىر مۇشەسى رەتىندە بۇل ادامزات دامۋىنىڭ تابيعي پروتسەسىنەن قاشىپ قۇتىلا المايدى. ءتۇبى اينالىپ دەموكراتيالىق قۇندىلىقتاردى بەلسەندى ورنىقتىراتىن ەلدەردىڭ قاتارىنا قوسىلامىز. تەزىرەك ىسكە اسسا بۇل پروتسەسس تىنىش وتەدى.
ەلباسى قازىر قازاقستاندا ەسكىلىك پەن ءاۆتوريتاريزمنىڭ سيمۆولى ىسپەتتەس ىڭعايسىز جاعدايعا ءتۇستى. 30 جىل ءبىر ەلدى اشسا الاقانىندا جۇمسا جۇدىرىعىندا ۇستاپ قالاعان رەفورماسىن وتكىزدى. قازاقستاندىق نوۋ-xاۋدى جاساۋعا ۋاقىتى جەتىپ ارتىلدى. باعاسىن تاريx بەرەدى. ەندىگى ءوزى دە ويلانار.
باۋىرجان سەرىكباەۆ
