Saılaý zańyndaǵy olqylyqtar:
1. Nege prezıdent saılaýyna kandıdat tulǵa 5 jyl memlekettik qyzmette jumys isteýi kerek?.. Jeke kásipkerler, ulttyq kompanııalarda eńbek etetin mıllıondaǵan azamattardyń saılaný quqyǵy nege shekteledi?..
2. Nege Qazaqstan azamattary prezıdent saılaýyna ózin-ózi usyna almaıdy?.. Ne úshin saıası partııalar men qoǵamdyq uıymdar ǵana usynýy kerek?..
Jaýaby anyq. Saıası partııalar men qoǵamdyq uıymdardyń tolyǵy derlik bılik tarapynan baqylaýǵa alynǵan. Osy arqyly saılaý kezinde yńǵaıly kandıdattardy ǵana shyǵaryp ashyq saıası básekege jol bermeý. Memlekettik qyzmette istegen azamattardy ǵana saılaýǵa qatystyrý arqyly 70-80% Qazaqstan azamattarynyń saılaný quqyǵyn shekteý.
Meniń oıymsha Elbasy qurmetti demalysqa ketip, bılikti kelesi prezıdentke tapsyrmaı Qazaqstanda demokratııalyq prınıpterdiń damýy zaman aǵymynan keıin qala beredi. "Áýeli ekonomıka odan keıin saıasat" ustanymy shala-sharpy oryndaldy. 30 jylda jetken kúnimiz, barymyz osy. Kezek saıası reformada. Zamannyń aǵymy osyǵan ákelýde. XX ǵasyrdyń basynda Anglııa, Germanııa, Reseı, Osman ımperatorlary men monarxııalyq júıeleri kelmeske ketti. XXI ǵasyrda avtorılarlyq júıler men 30 jyldap bılikte otyratyn prezıdentter birinen keıin biri kelmeske ketýde. Qazaqstan da álemdik qaýymdastyqtyń bir múshesi retinde bul adamzat damýynyń tabıǵı proesinen qashyp qutyla almaıdy. Túbi aınalyp demokratııalyq qundylyqtardy belsendi ornyqtyratyn elderdiń qataryna qosylamyz. Tezirek iske assa bul proess tynysh ótedi.
Elbasy qazir Qazaqstanda eskilik pen avtorıtarızmniń sımvoly ispettes yńǵaısyz jaǵdaıǵa tústi. 30 jyl bir eldi ashsa alaqanynda jumsa judyryǵynda ustap qalaǵan reformasyn ótkizdi. Qazaqstandyq noý-xaýdy jasaýǵa ýaqyty jetip artyldy. Baǵasyn tarıx beredi. Endigi ózi de oılanar.
Baýyrjan Serikbaev
