Aqtaýda er adam psıhotroptyq zattardy jasyrǵan, dep habarlaıdy "Adyrna" tilshisi BAQ.KZ -ke silteme jasap.
34 jastaǵy er adam Aqtaýda sýshı-marketter jelisiniń basshysy bolyp jumys istegen. Al oǵan 32 jastaǵy er adam kómektesip, zańsyz áreketke barǵan. Olar psıhotroptyq zattardyń partııalaryn jasyryp, esirtkini býyp-túıý boıynsha tapsyrmalar men koordınattardy Telegram qosymshasy arqyly alyp otyrǵan, - dep habarlady Ishki ister mınıstrliginde ótken baspasóz máslıhatynda vedomstvo ókili Shuǵyla Turlybek.
Eki azamat turǵylyqty jeri boıynsha jáne kompanııa keńsesinde tintý is-sharalaryn júrgizý kezinde barlyǵy 692 gramm «mefedron» sıntetıkalyq preparaty tabylyp, tárkilengen.
Zańǵa qaıshy áreketke barǵandardyń qylmysy QK-niń 297-baby 3-bóligi 1 jáne 3-tarmaqtary boıynsha saralandy, ıaǵnı, adamdar tobynyń aldyn ala sóz baılasý arqyly esirtki, psıhotroptyq zattardy, olardyń analogtaryn ótkizý maqsatynda, asa iri mólsherde satyp alýy, saqtaýy, tasymaldaýy. Sot qylmystyq toptyń eki negizgi múshesin 10 jylǵa bas bostandyǵynan aıyrdy, - dedi ol.
