رەسەيلىك كاسىپكەر الەكساندر ورلوۆ قىزمەتتەگى ءبولىم باسشىلارىن تاڭداعاندا ولاردىڭ ارتىق سالماعىنا كيلىگىپ، دەنەسىنە قاتتى ءمان بەرەتىنىن ايتتى. ونىڭ مۇنداي توسىن مالىمدەمەسى ءدۇيىم جۇرتتىڭ نازارىن اۋداردى، دەپ حابارلايدى "ادىرنا" ۇلتتىق پورتالى.
- مايى بۇلكىلدەگەن ادامداردى جۇمىسقا المايمىن. شەكتەن تىس تولىق ادامداردى ايتام. وندايلاردى جۇمىسقا الىپ قاجەت ەمەس، ويتكەنى قاۋىپتى، - دەدى ول.
ورلوۆ ارتىق سالماعى بار ادامداردىڭ جاۋاپكەرشىگى جوعارى دەڭگەيدە بولماۋى مۇمكىن دەگەندى دە ايتتى.
ء"سىز تۋعان كەزدە "جوعارىدان" بەرىلگەن دەنەمەن تۋىلاسىز. ال جايىلىپ كەتىپ، دەنەڭىزگە ءجوندى قاراي المادىڭىز. بۇل نەدەن حابار بەرەدى؟ دەمەك، قالعانى 100%-دىڭ ءبارىن دە جىبەرىپ الاسىز، سونىڭ ىشىندە جۇمىس تا بار", - دەدى ورلوۆ.
رەسەيلىك كاسىپكەر الماتىداعى Queen Almaty, DragonFly, Blue Cat Coffee, Manana, Tanuki مەيرامحانالارىنىڭ يەسى، ال استانادا وعان Ryba Pila جانە "ورەل مونشالارى" كەشەنى تيەسىلى.
2022 جىلدىڭ ساۋىرىندە كاسىپكەر قازاقستاندىقتاردىڭ سىنىنا ۇشىرادى. ول جەرگىلىكتى كادرلار بىلىكتىلىگىنىڭ جەتكىلىكسىزدىگى تۋرالى اسىرىپ ايتىپ، باسى داۋعا قالدى. كاسىپكەر كەيىن ءوز ءسوزىنىڭ دۇرىس تۇسىندىرىلمەگەنىن ايتىپ، اقتالدى.
"مەن تەك جەرگىلىكتى كادرلاردى وقىتۋ ءۇشىن قازاقستانعا توپ-مەنەدجمەنت اكەلەتىنىمىزدى ايتتىم، بىراق ءبىزدىڭ قازاقستاندىق مەكەمەلەردە قىزمەتكەرلەردىڭ 99% — ى قازاقستاندىقتار. مەن ءوزىم رەنجىتكەن ادامداردان كەشىرىم سۇرادىم", - دەدى ول.
ورلوۆ مۇنىڭ بارىنە SMM ماماندارىن ايىپتاپ، قاتە سويلەۋگە جول بەردى دەپ حالىقتى سەندىرمەك بولعان ەدى.
"ادىرنا" ۇلتتىق پورتالى
