ەنەرگەتيكا ءمينيسترى الماسادام ساتقاليەۆ اەس سالۋ بويىنشا رەفەرەندۋم وتكىزۋدىڭ قاجەتى جوق دەپ سانايدى. بۇل تۋرالى ول پارلامەنت وتىرىسىندا ايتتى، دەپ حابارلايدى “ادىرنا” ۇلتتىق پورتالى.
ايتا كەتەيىك، ونىڭ ورىنباسارى جاندوس نۇرماعانبەتوۆ بۇعان دەيىن قازاقستاندا اتوم ەلەكتر ستانساسى بويىنشا رەفەرەندۋم بولمايتىنى تۋرالى ايتقان ەدى.
قازىرگى پروتسەدۋرالارعا سايكەس رەفەرەندۋم قاجەت ەمەس، دەگەنمەن مەملەكەت باسشىسى رەفەرەندۋم بولاتىنىن انىق ايتتى. ءبىز بۇل تاپسىرمانى ورىندايمىز، مەن ۆيتسە-ءمينيستردىڭ (نۇرماعانبەتوۆ) نە ايتقانىن كورۋىم كەرەك، - دەدى ساتقاليەۆ جۇما كۇنى پارلامەنت وتىرىسىندا.
ەسكە سالايىق، بۇعان دەيىن قازاقستان پرەزيدەنتى قاسىم-جومارت توقاەۆ اەس سالۋ قاجەت بولسا، بۇل ماسەلە رەفەرەندۋمعا شىعارىلاتىنىنا ۋادە بەرگەن بولاتىن. الايدا شىلدەنىڭ 15-ءى كۇنى ەنەرگەتيكا ۆيتسە-ءمينيسترى جاندوس نۇرماعانبەتوۆ اەس سالۋ ماسەلەسى رەفەرەندۋمعا شىعارىلمايتىنىن مالىمدەدى.
19 مامىردا بەلگىلى ەكونوميست-ەنەرگەتيك، «KEGOC» كورپوراتسياسىنىڭ بۇرىنعى باسشىسى اسەت ناۋرىزباەۆ اەس جاقتاستارىنا بولاشاقتا جاسىل ەنەرگيا ءۇشىن ت30 ەمەس، 70 تەڭگە تولەۋدى ۇسىنعان بولاتىن. ساراپشى اەس بويىنشا پرەزيدەنت ۋادە ەتكەن رەفەرەندۋمدى اشىق داۋىس بەرۋ ارقىلى وتكىزۋ قاجەت دەپ ەسەپتەيدى.
2023 جىلدىڭ 1 قىركۇيەگىندە توقاەۆ قازاقستان حالقىنا ۇندەۋ جولداپ، رەفەرەندۋم قورىتىندىسى بويىنشا اتوم ەلەكتر ستانتسياسىنا قاتىستى شەشىم قابىلداۋدى تاپسىردى.
