قىرعىزستاننىڭ مادەنيەت، اقپارات، سپورت جانە جاستار ساياساتى مينيسترلىگى ەل اۋماعىندا TikTok جەلىسىن بۇعاتتاۋ تۋرالى شەشىم شىعاردى. بۇل تۋرالى باسقارمانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
مينيسترلىك بىرقاتار ۇكىمەتتىك ەمەس ۇيىمنان بالالاردىڭ پسيحيكالىق دامۋى مەن دەنساۋلىعىنا كەرى اسەرىن تيگىزەتىن TikTok الەۋمەتتىك جەلىسىنىڭ زياندى اسەرى تۋرالى ءجيى شاعىمدار تۇسكەنىن اتاپ ءوتتى.
«TikTok قىسقا ۆيدەولارىمەن كورىپ وتىرعان ادامدى ۆيرتۋالدى الەمگە الىپ كەتەدى. ال سول بەينەجازبانى كورگەن جاسوسپىرىمدەر ونى قايتالاۋعا تىرىسادى. كەيبىر ۆيدەو ومىرگە قاۋىپ توندىرەدى. بالالاردىڭ پسيحيكاسى ءالى دە تۇراقسىز، ول ەندى عانا قالىپتاسىپ كەلەدى جانە مۇنداي مازمۇن تاۋەلدىلىك تۋدىرىپ، جاس ۇرپاقتىڭ ەموتسيونالدىق جاعدايىنا كەرى اسەر ەتەدى»،—دەدى باسقارما.
كوپتەگەن ءوتىنىشتى ەسكەرە وتىرىپ جانە جۇرگىزىلگەن مونيتورينگ نەگىزىندە مادەنيەت، اقپارات، سپورت جانە جاستار ساياساتى مينيسترلىگى قىرعىز رەسپۋبليكاسىنىڭ اۋماعىندا TikTok قىزمەتىن تاراتۋ قىزمەتىن توقتاتۋ تۋرالى شەشىم قابىلدادى.
