پرەزيدەنت سايلاۋىنا "ۇلت تاعدىرى" قوزعالىسىنان ۇسىنىلعان ءامىرجان قوسانوۆ بۇگىن نۇر-سۇلتاندا ورتالىق سايلاۋ كوميسسياسىنا قۇجاتتارىن تاپسىردى. كەشەدەن بەرى الەۋمەتتىك جەلىدە قوسانوۆتىڭ قۇجاتتارىن قابىلداي ما، قابىلداماي ما دەپ ەلەڭدەگەن حالىققا بۇل تۋرالى ساياساتكەر ءوزىنىڭ فەيسبۋك پاراقشاسىندا جاريالادى.
"بۇگىن استاناعا كەلىپ، ورتالىق سايلاۋ كوميسسياسىنا قۇجاتتاردى تاپسىردىم. ەكى كۇن بويىنا تەكسەرەدى ەكەن. قازاق تىلىنەن سىناقتى دۇيسەنبىگە ساعات 11-00-گە تاعايىندادى. وسىندايدا قازاق اۋىلىندا تۋىپ، اتا-اجەمنىڭ "اينالايىن" ەستىپ، ءتىلىمدى سىندىرىپ، قازاق مەكتەبى مەن ۋنيۆەرسيتەتتىڭ جۋرناليستيكا فاكۋلتەتىنىڭ قازاق بولىمىندە وقىپ، ستۋدەنت بولىپ ءجۇرىپ، "ەگەمەن قازاقستان" سەكىلدى ىرگەلى گازەتتە كاسىبي ەڭبەك جولىمدى باستاعانىما ءتاۋبا دەيمىن" دەپ جازعان قوسانوۆ.
9 ماۋسىم كۇنى وتەتىن قر پرەزيدەنتىنە ۇمىتكەرلەردىڭ ىشىندەگى نەگىزگى تەكە-تىرەس قازىرگى ۋاقىتشا پرەزيدەنت قاسىم-جومارت توقاەۆ پەن وپپوزيتسيالىق ساياساتكەر ءامىرجان قوسانوۆتىڭ اراسىندا وتەدى دەپ بولجانۋدا.
"ادىرنا" ۇلتتىق پورتالى
