Prezıdent saılaýyna "Ult taǵdyry" qozǵalysynan usynylǵan Ámirjan Qosanov búgin Nur-Sultanda Ortalyq saılaý komıssııasyna qujattaryn tapsyrdy. Kesheden beri áleýmettik jelide Qosanovtyń qujattaryn qabyldaı ma, qabyldamaı ma dep eleńdegen halyqqa bul týraly saıasatker óziniń Feısbýk paraqshasynda jarııalady.
"Búgin Astanaǵa kelip, Ortalyq saılaý komıssııasyna qujattardy tapsyrdym. Eki kún boıyna tekseredi eken. Qazaq tilinen synaqty dúısenbige saǵat 11-00-ge taǵaıyndady. Osyndaıda qazaq aýylynda týyp, ata-ájemniń "aınalaıyn" estip, tilimdi syndyryp, qazaq mektebi men ýnıversıtettiń jýrnalıstıka fakýltetiniń qazaq bóliminde oqyp, stýdent bolyp júrip, "Egemen Qazaqstan" sekildi irgeli gazette kásibı eńbek jolymdy bastaǵanyma táýba deımin" dep jazǵan Qosanov.
9 maýsym kúni ótetin QR Prezıdentine úmitkerlerdiń ishindegi negizgi teke-tires qazirgi ýaqytsha prezıdent Qasym-Jomart Toqaev pen oppozıııalyq saıasatker Ámirjan Qosanovtyń arasynda ótedi dep boljanýda.
"Adyrna" ulttyq portaly
