اناسى ءمايىتتىڭ كيىم قالدىقتارىن قىزىنىكى ەكەنىن بولجادى

1453

ەلدىڭ ەسىن شىعارعان سۇمدىق جايدىڭ جاي-جاپسارى بىرتىندەپ بەلگىلى بولا باستاعانداي.  قاراتاۋ قالاسىندا  ازعىن ايتۋعا اۋىز بارمايتىن ايۋاندىق ارەكەتپەن ويىن بالاسىن ورتەپ جىبەرۋى مۇمكىن. تۇگى قالماي تۇگەل ورتەنگەن مايىتكە ءتارتىپ ساقشىلارىمەن  ساراپتاما تاعايىندالدى. تابىلعان ءمايىتتى تۋىس-تامىرلارى كۇنى كەشە ءىس-ءتۇسسىز جوعالعان سەگىز جاستاعى ارۋاي ەسىمدى قىز بالاسى دەپ توپشىلايدى.  جاعا ۇستاتقان جاعداي قاراتاۋ قالاسىنىڭ شەتكى بولىگىندە بولعان. ءبىر كۇن بۇرىن وسى قالادا د. قوناەۆ اتىنداعى مەكتەپتىڭ ەكىنشى سىنىپ وقۋشىسى جوعالعانىن ايتىپ اناسى ارىزدانعان ەكەن. بي ۇيىرمەسىنەن شىققان بالاقاي سول كۇيى ۇيىنە ورالماعان. قۇرامىندا ءتارتىپ ساقشىلارى، توتەنشەلىكتەر، ۇستازدار جانە ەرىكتىلەر بار جەتپىسكە جۋىق ادام شاعىن شاھاردى تۇگەل ءتىنتىپ بۇگىن قالا ماڭىنان ورتەنگەن ءمايىتتى تاپقان. الايدا وتقا ورانعان دەنەنىڭ كىمدىكى ەكەنى ءالى انىقتالمادى. دەگەنمەن اناسى كۇيىكتەن قالعان كويلەك قىزىنىكى ەكەنىن راستاپتى. قىزىل جالىننان دەنەنىڭ ساۋ تامتىعى قالماعانى سونشالىق، ارنايى سوت ساراپتاماسى بولماي مارقۇمنىڭ كىم ەكەنىن اڭعارۋ قيىن. جامبىلدىق جۋرناليستەردى جيىپ بريفينگ وتكىزگەن ءوڭىردىڭ باس پوليتسەيى بۇل ءىس تىكەلەي ىشكى ىستەر ءمينيسترى مەن جامبىل وبلىسى اكىمى اسقار مىرزاحمەتوۆتىڭ قاتاڭ قاداعالاۋىندا ەكەنىن ايتىپ ءوتتى.

ارمان ورازاليەۆ، جامبىل وبلىستىق پوليتسيا دەپارتامەنتىنىڭ باستىعى

انىقتالعانداي 2010 جىلى تۋىلعان ارۋايدىڭ بيمەن شۇعىلدانۋعا ۇنەمى اتاسى الىپ بارىپ جۇرگەن. الايدا ءدال وسى كۇنى ول ۇيىنە جالعىز قايتقان. بۇگىن ساعات 11 شاماسىندا كامەلەتكە تولماعان ارۋايدى ىزدەستىرۋ بارىسىندا قاراتاۋ قالاسى ماڭىنان بەلگىسىز بىرەۋدىڭ ءمايىتى تابىلدى. اناسى ءمايىتتىڭ كيىم قالدىقتارىن  قىزىنىكى ەكەنىن بولجادى. بارلىق اتا-انالارعا بالالارىن قاراۋسىز قالدىرماۋدى سۇرايمىن. ولار جوعالىپ كەتۋى نەمەسە قىلمىستىق قولسۇعۋشىلىقتىڭ قۇربانى بولۋى مۇمكىن. 

دارينا ءىلياس،

“Jambylmedia.kz”

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket