Eldiń esin shyǵarǵan sumdyq jaıdyń jaı-japsary birtindep belgili bola bastaǵandaı. Qarataý qalasynda azǵyn aıtýǵa aýyz barmaıtyn aıýandyq áreketpen oıyn balasyn órtep jiberýi múmkin. Túgi qalmaı túgel órtengen máıitke tártip saqshylarymen saraptama taǵaıyndaldy. Tabylǵan máıitti týys-tamyrlary kúni keshe is-tússiz joǵalǵan segiz jastaǵy Arýaı esimdi qyz balasy dep topshylaıdy. Jaǵa ustatqan jaǵdaı Qarataý qalasynyń shetki bóliginde bolǵan. Bir kún buryn osy qalada D. Qonaev atyndaǵy mekteptiń ekinshi synyp oqýshysy joǵalǵanyn aıtyp anasy aryzdanǵan eken. Bı úıirmesinen shyqqan balaqaı sol kúıi úıine oralmaǵan. Quramynda tártip saqshylary, tótenshelikter, ustazdar jáne eriktiler bar jetpiske jýyq adam shaǵyn shahardy túgel tintip búgin qala mańynan órtengen máıitti tapqan. Alaıda otqa oranǵan deneniń kimdiki ekeni áli anyqtalmady. Degenmen anasy kúıikten qalǵan kóılek qyzynyki ekenin rastapty. Qyzyl jalynnan deneniń saý tamtyǵy qalmaǵany sonshalyq, arnaıy sot saraptamasy bolmaı marqumnyń kim ekenin ańǵarý qıyn. Jambyldyq jýrnalısterdi jıyp brıfıng ótkizgen óńirdiń bas polıeıi bul is tikeleı Ishki ister mınıstri men Jambyl oblysy ákimi Asqar Myrzahmetovtyń qatań qadaǵalaýynda ekenin aıtyp ótti.
Arman ORAZALIEV, JAMBYL OBLYSTYQ POLIIIa DEPARTAMENTINIŃ BASTYǴY
Anyqtalǵandaı 2010 jyly týylǵan Arýaıdyń bımen shuǵyldanýǵa únemi atasy alyp baryp júrgen. Alaıda dál osy kúni ol úıine jalǵyz qaıtqan. Búgin saǵat 11 shamasynda kámeletke tolmaǵan Arýaıdy izdestirý barysynda Qarataý qalasy mańynan belgisiz bireýdiń máıiti tabyldy. Anasy máıittiń kıim qaldyqtaryn qyzynyki ekenin boljady. Barlyq ata-analarǵa balalaryn qaraýsyz qaldyrmaýdy suraımyn. Olar joǵalyp ketýi nemese qylmystyq qolsuǵýshylyqtyń qurbany bolýy múmkin.
Darına ILIIaS,
“Jambylmedia.kz”
