سىبايلاس جەمقورلىققا قارسى قىزمەت پاۆلودار وبلىسىنىڭ بۇرىنعى اكىمى عالىمجان جاقيانوۆقا قاتىستى ءىس تۋرالى اقپاراتتى جوققا شىعاردى، دەپ حابارلايدى «ادىرنا» ءتىلشىسى قازتاگ-قا سىلتەمە جاساپ.
بىزدە وندىرىستە جانە وسى ءبولىمنىڭ («پاۆلودار وبلىسىنىڭ انتيكور قىزمەتى») وندىرىسىندە مۇنداي جاعداي بولمادى", - دەدى انتيكور.
بۇعان دەيىن بىرنەشە باق سىبايلاس جەمقورلىققا قارسى قىزمەت ۇلتتىق قاۋىپسىزدىك كوميتەتىنەن وندىرىسكە كەلىپ، جاقيانوۆقا قاتىستى ءىستى تەرگەپ جاتقانىن جازعان ەدى.
1994-1997 جىلدارى عالىمجان جاقيانوۆ سەمەي وبلىسىنىڭ اكىمى بولدى، ودان كەيىن از ۋاقىت ستراتەگيالىق رەسۋرستاردى باقىلاۋ اگەنتتىگىن باسقاردى. 1997-2001 جىلدارى پاۆلودار وبلىسىنىڭ اكىمى قىزمەتىن اتقارعان.
ال 2001 جىلى ەلدەن تىس جەردە جۇرگەن بانكير مۇحتار ابليازوۆپەن بىرگە «قازاقستاننىڭ دەموكراتيالىق تاڭداۋى» قوعامدىق بىرلەستىگىنىڭ نەگىزىن قالاۋشىلاردىڭ ءبىرى بولدى.
2002 جىلى جاقيانوۆ سىبايلاس جەمقورلىق ءىسى بويىنشا جەتى جىلعا سوتتالدى. 2006 جىلى ول شارتتى تۇردە بوستاندىققا شىعىپ، بىرنەشە جىلدان كەيىن قازاقستاننان كوشىپ كەتتى.
