العاشقى كانديدات سادىبەك تۇگەل 

1721
Adyrna.kz Telegram

سادىبەك تۇگەل 2019 جىلعى پرەزيدەنت سايلاۋىنا تۇسۋگە ءبىرىنشى بولىپ كانديداتۋراسىن ۇسىندى

 ورتالىق سايلاۋ كوميسسياسىنا ءبىرىنشى بولىپ قۇجاتتارىن تاپسىرعان، "ۇلى دالا قىراندارى" رەسپۋبليكالىق قوزعالىسى اتىنان پرەزيدەنتتىككە ۇمىتكەر سادىبەك تۇگەل Sputnik قازاقستان تىلشىسىنە نەگە سايلاۋعا تۇسكىسى كەلەتىنىن ايتتى.

سادىبەك تۇگەل نەگە پرەزيدەنت بولعىسى كەلەدى؟

"قوعامدى ءسوز جۇزىندە عانا ەمەس، ءىس جۇزىندە دەموكراتيزاتسيالاۋعا بەلسەندى اتسالىسقىم كەلگەن سوڭ، وسىنداي شەشىم قابىلدادىم. ەلىمىزدەگى احۋالدى جاقسارتسام دەيمىن", - دەپ پرەزيدەنتتىككە ۇمىتكەر سادىبەك تۇگەل ويىمەن ءبولىستى.

كانديدات سايلاۋ الدى ناۋقانىنا ازىرلەپ وتىرعان تۇجىرىمدارىمەن دە ءبولىستى. جازۋشى سادىبەك تۇگەل ساياسي جۇيەنى، ەكونوميكانى، مادەنيەت جانە ءبىلىم سالاسىن رەفورمالاۋدى ۇسىنادى، سونداي-اق ەلدەگى جەمقورلىقتىڭ تۇبەگەيلى جويۋدى كوزدەيدى.

"ەشبىر پارتيانىڭ قۇرامىندا جوقپىن. مەن "ۇلى دالا قىراندارى" رەسپۋبليكالىق قوزعالىسىنىڭ اتىنان تاۋەلسىز كانديداتپىن. مەنىڭ ۇرانىم: "ادىلدىك، تەڭدىك، بوستاندىق", - دەدى ول.

ۇلى دالا قىراندارى

"ۇلى دالا قىراندارى" رەسپۋبليكالىق قوزعالىسى 2011 جىلى 12 قازاندا قۇرىلعان. قوعامدىق ۇيىم مادەني جانە ۇلتتىق قۇندىلىقتاردى دامىتۋمەن اينالىسادى.

پىكىرلەر