تۇركىستان قالاسىندا «قازاقستاننىڭ ۇزدىك تاۋارى – 2023» وڭىرلىك بايقاۋ-كورمەسى ءوتتى. كورمەگە ازىق-تۇلىك، ماشينا جاساۋ، حيميا، قولونەرشىلەر، جەڭىل ونەركاسىپ پەن قۇرىلىس يندۋسترياسىنىڭ 80-نەن استام تاۋار وندىرۋشىلەرى قاتىستى. وتاندىق ونىمدەردى قولداۋ مەن وتاندىق ءوندىرىستى دامىتۋ، حالىق اراسىندا ساپا يدەياسىن ناسيحاتتاۋ ماقساتىنداعى كورمە-بايقاۋعا تۇركىستان وبلىسىنىڭ اكىمى دارحان ساتىبالدى قاتىسىپ، ءوڭىر تاۋاروندىرۋشىلەرىنىڭ جۇمىسىن جوعارى باعالادى.
«قازاقستاننىڭ ۇزدىك تاۋارى – 2023» وڭىرلىك بايقاۋىنىڭ جەڭىمپازدارىنا باعالى سىيلىقتار تابىستالدى. وڭىرلىك ىرىكتەۋ جەڭىمپازدارى قازاقستان رەسپۋبليكاسى پرەزيدەنتىنىڭ قاتىسۋىمەن جىل سوڭىندا استانا قالاسىندا وتەتىن رەسپۋبليكالىق بايقاۋعا قاتىسادى.
سونداي-اق شارا بارىسىندا «مەن كاسىپكەر» جوباسى اياسىندا «ءبىر اۋىل – ءبىر ءونىم» جوباسىنا قاتىسۋشىلاردىڭ كورمەسى وتەدى.
«ءبىر اۋىل-ءبىر ءونىم» – وقىتۋ جانە كونسۋلتاتسيالىق سۇيەمەلدەۋ ارقىلى جەرگىلىكتى ءونىمنىڭ بىرەگەي تۇرلەرىن جاساۋ جانە ولاردىڭ ساپاسىن ارتتىرۋ.
جوباعا قاتىسۋشىلار جەرگىلىكتى برەندتەردى قۇرۋدا ناقتى كومەك، سونداي-اق حالىقارالىق جانە رەسپۋبليكالىق ساۋدا الاڭدارىنا شىعۋ ءۇشىن ماركەتينگتىك سۇيەمەلدەۋدە قولداۋ الادى.
سالتاناتتى شارا ەلىمىزگە تانىمال ونەر جۇلدىزدارىنىڭ كونتسەرتىمەن جالعاستى.
