«قالامقاس» كەن ورنىندا بۇرعىلاۋ كەزىندە ورىن العان اپاتقا بايلانىستى قىتايلىق «سي بۋ «ينجەنەرلىك بۇرعىلاۋ كومپانياسى» جشس-عا ايىپپۇل سالىنىپ، ليتسەنزياسى ۋاقىتشا توقتاتىلدى. بۇل تۋرالى ەنەرگەتيكا مينيسترلىگىنىڭ ءباسپاسوز قىزمەتى حابارلادى.
«2018 جىلدىڭ 3 ناۋرىزى كۇنى ساعات 17:30-دا ماڭعىستاۋ وبلىسىنداعى «قالامقاس» مۇناي-گاز كەن ورنىندا «سي بۋ «يبك» (اقتاۋ) جشس-نىڭ №8237 ۇڭعىمانى بۇرعىلاۋى كەزىندە اپات ورىن العان بولاتىن. وسى فاكتى بويىنشا ەنەرگەتيكا مينيسترلىگىنىڭ مۇناي-گاز كەشەنىندەگى مەملەكەتتىك ينسپەكتسياسىنىڭ باتىس وڭىرارالىق باسقارماسى 2019 جىلدىڭ 8-19 ءساۋىرى ارالىعىندا سەرىكتەستىككە جوسپاردان تىس تەكسەرۋ جۇرگىزدى»، - دەلىنگەن مينيسترلىك حابارلاماسىندا.
مينيسترلىكتىڭ اقپاراتى بويىنشا، «سي بۋ «يبك» جشس قىتايلىق كومپانياسى مۇناي جانە تابيعي گاز ءوندىرۋ كەزىندە تەحنيكالىق قولداۋ كورسەتۋمەن اينالىسادى.
تەكسەرۋ ناتيجەلەرى سەرىكتەستىكتىڭ ءبىرشاما تالاپتاردى ورىنداماعانىن انىقتاعان. اتاپ ايتقاندا، كومىرسۋتەك سالاسىنداعى قىزمەتتi جۇزەگە اسىرۋ ءۇشىن قويىلاتىن بىلىكتىلىك تالاپتارى مەن ولارعا سايكەستiكتى راستايتىن قۇجاتتار تiزبەسىنە سايكەسسىزدىگى، تەحنولوگيالىق رەگلامەنتتەردىڭ سايكەسسىزدىگى، مەنشىك قۇقىعىندا نەمەسە وزگە دە زاڭدى نەگىزدە كەيبىر جابدىقتار مەن اسپاپتاردىڭ بولۋىن راستايتىن قۇجاتتاردىڭ بولماۋى، ارنايى قىزمەتتەر قۇرۋ نەمەسە جاۋاپتى تۇلعالاردى تاعايىنداۋ تۋرالى بۇيرىقتاردىڭ بولماۋى، سونداي-اق زاڭدى جانە «رۇقساتتار جانە حابارلامالار تۋرالى» زاڭ تالاپتارىنىڭ ورىندالماۋى بەلگىلى بولعان.
«اكىمشىلىك ءىستى قاراۋ ناتيجەلەرى بويىنشا 150 اەك مولشەرىندە اكىمشىلىك ايىپپۇل سالىندى. سونداي-اق، «يبك» سيبۋ» جشس-ءنىڭ كومىرسۋتەكتەر سالاسىنداعى قىزمەت تۇرلەرىنە مەملەكەتتىك ليتسەنزيانىڭ قولدانىلۋى بەلگىلەنگەن بۇزۋشىلىقتار جويىلعانعا دەيىن توقتاتىلدى»، - دەلىنگەن حابارلامادا.
ايتا كەتەيىك، توتەنشە جاعداي 13 ناۋرىز كۇنى ماڭعىستاۋ اۋدانىنداعى «ماڭعىستاۋمۇنايگاز» اق-نىڭ «قالامقاس» مۇناي-گاز كەن ورنىندا بولعان ەدى. «سي بۋ» ينجەنەرلىك بۇرعىلاۋ كومپانياسى» جشس №8237 ۇڭعىماسىن بۇرعىلاۋ بارىسىندا گاز-سۋ قوسپاسى اتقىلادى.
ال 25 ناۋرىز كۇنى ساعات 07:10-دا ماڭعىستاۋ وبلىستىق تجد كەزەكشى-ديسپەتچەرلىك قىزمەتىنە «قالامقاس» كەن ورنىنداعى ۇڭعىمادان شىققان گاز جانىپ، بيىكتى 10 مەترگە دەيىن جالىن اتقىلاپ تۇرعاندىعى حابارلاندى.
قر پرەزيدەنتى قاسىم-جومارت توقاەۆ كەن ورنىنداعى جاعدايدى ءوز باقىلاۋىنا الىپ، ۇكىمەتكە ءتيىستى تاپسىرمالار جۇكتەگەن بولاتىن.
ءورت 25 ناۋرىز كۇنى ءسوندىرىلدى.
"ادىرنا" ۇلتتىق پورتالى
