ەندى جۇرگىزۋشى كۋالىگىنە ەمتيحان تاپسىرۋ ەرەجەسى وزگەردى، دەپ حابارلايدى “ادىرنا” ءتىلشىسى.
قازاقستاندا جۇرگىزۋشى كۋالىگىن الۋ ەرەجەلەرى وزگەردى. بۇل شەشىم سىبايلاس جەمقورلىققا قارسى مونيتورينگ جۇرگىزگەننەن كەيىن قابىلدانىپ وتىر.
مونيتورينگ بارىسىندا اۆتومەكتەپتەردەگى ەمتيحاندار مەن وقىتۋ ۇدەرىسىندەگى قۇقىقتىق ولقىلىقتاردان تۋىنداعان اۆتوكولىكتەردى تىركەۋ جانە جۇرگىزۋشى كۋالىكتەرىن الۋداعى زاڭسىز جاعدايلار انىقتالعان. تەكسەرۋگە بىرنەشە جىل بويى كولىك قۇرالدارىن زاڭسىز تىركەۋمەن اينالىسقان قىلمىستىق توپقا قاتىستى قىلمىستىق ىستەر سەبەپ بولدى.
ەندى جۇرگىزۋشى كۋالىگىن بەرۋ ءتارتىبى بيومەتريكا، ەمتيحانداردى بەينەجازباعا ءتۇسىرۋ جانە قايتا تاپسىرۋ ءتارتىبىن وزگەرتۋ ارقىلى قاتاڭداتىلدى. ارنايى حالىققا قىزمەت كورسەتۋ ورتالىقتارى مەن ىشكى ىستەر مينيسترلىگىندەگى جاڭا اقپاراتتىق جۇيەلەر كولىك، تولەمدەر تۋرالى دەرەكتەردى اۆتوماتتاندىرادى جانە تۇزەتۋ مۇمكىندىگى بولمايدى.
