Endi júrgizýshi kýáligine emtıhan tapsyrý erejesi ózgerdi, dep habarlaıdy “Adyrna” tilshisi.
Qazaqstanda júrgizýshi kýáligin alý erejeleri ózgerdi. Bul sheshim sybaılas jemqorlyqqa qarsy monıtorıng júrgizgennen keıin qabyldanyp otyr.
Monıtorıng barysynda avtomektepterdegi emtıhandar men oqytý úderisindegi quqyqtyq olqylyqtardan týyndaǵan avtokólikterdi tirkeý jáne júrgizýshi kýálikterin alýdaǵy zańsyz jaǵdaılar anyqtalǵan. Tekserýge birneshe jyl boıy kólik quraldaryn zańsyz tirkeýmen aınalysqan qylmystyq topqa qatysty qylmystyq ister sebep boldy.
Endi júrgizýshi kýáligin berý tártibi bıometrıka, emtıhandardy beınejazbaǵa túsirý jáne qaıta tapsyrý tártibin ózgertý arqyly qatańdatyldy. Arnaıy halyqqa qyzmet kórsetý ortalyqtary men Ishki ister mınıstrligindegi jańa aqparattyq júıeler kólik, tólemder týraly derekterdi avtomattandyrady jáne túzetý múmkindigi bolmaıdy.
