Endı jürgızuşı kuälıgıne emtihan tapsyru erejesı özgerdı, dep habarlaidy “Adyrna” tılşısı.
Qazaqstanda jürgızuşı kuälıgın alu erejelerı özgerdı. Būl şeşım sybailas jemqorlyqqa qarsy monitoring jürgızgennen keiın qabyldanyp otyr.
Monitoring barysynda avtomektepterdegı emtihandar men oqytu üderısındegı qūqyqtyq olqylyqtardan tuyndaǧan avtokölıkterdı tırkeu jäne jürgızuşı kuälıkterın aludaǧy zaŋsyz jaǧdailar anyqtalǧan. Tekseruge bırneşe jyl boiy kölık qūraldaryn zaŋsyz tırkeumen ainalysqan qylmystyq topqa qatysty qylmystyq ıster sebep boldy.
Endı jürgızuşı kuälıgın beru tärtıbı biometrika, emtihandardy beinejazbaǧa tüsıru jäne qaita tapsyru tärtıbın özgertu arqyly qataŋdatyldy. Arnaiy halyqqa qyzmet körsetu ortalyqtary men Işkı ıster ministrlıgındegı jaŋa aqparattyq jüieler kölık, tölemder turaly derekterdı avtomattandyrady jäne tüzetu mümkındıgı bolmaidy.
Ūqsas jaŋalyqtar
