ابايعا ۇستاز ءريزاۋدديننىڭ زيراتى تابىلدى. بۇل تۋرالى اباي مۋزەيىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
بۇگىن اباي كۇنىنە اياسىندا سەمەي قالاسىنداعيا ابايدىڭ «جيدەباي-ءبورىلى» مەملەكەتتىك مۋزەي-قورىعىندا بىرقاتار مادەني شارالار ءوتتى.
اتاپ ايتساق، مۋزەي اۋلاسىنداعى «ۇلى اقىن ۇلدارىمەن» ەسكەرتكىشىنە گۇل قويۋ راسىمىنەن باستاۋ الىپ، اباي وقىعان مەدرەسە يمامى، اقىننىڭ ۇستازى ريزاۋددين ءۋاليتۇلىنىڭ جاقىندا تابىلعان زيراتى جايىندا «بىلىمدىدەن شىققان ءسوز...» تاقىرىبىندا دوڭگەلەك ۇستەلمەن جالعاستى.
دوڭگەلەك ۇستەلگە بىرنەشە اي بويى قالانىڭ ەسكى زيراتىنداعى قابىر تاستارىن زەرتتەگەن جەرگىلىكتى تاريحشى ماديار ناسىروۆ جانە قالانىڭ ءدىنتانۋشى، تاريحشى عالىمدارى، مادەنيەت سالاسىنىڭ وكىلدەرى قاتىستى.
ابايدىڭ ۇستازىنىڭ جەرلەنگەن قورىمى ەسكى تاتار بولىگى مەن شىعىس كەنتىنىڭ ورتاسىندا ورنالاسقان وڭ جاعالاۋداعى ەرتىس وزەنى بويىنداعى توبەدەن تابىلعان. تاريحشىنىڭ ايتۋىنشا، قورىمنىڭ ورتاڭعى بولىگىندە كوبىنەسە ءدىني قايراتكەرلەر مەن كوپەستەردىڭ قابىرلەرى كەزدەسەدى.
تاريحشى عالىمدار الداعى ۋاقىتتا ءالى دە زەرتتەۋ جۇمىستارى جۇرگىزىلەتىنىن ايتتى.
