Abaıǵa ustaz Rızaýddınniń zıraty tabyldy. Bul týraly Abaı mýzeıiniń baspasóz qyzmeti málimdedi, dep habarlaıdy “Adyrna” ulttyq portaly.
Búgin Abaı kúnine aıasynda Semeı qalasyndaǵıa Abaıdyń «Jıdebaı-Bórili» memlekettik mýzeı-qoryǵynda birqatar mádenı sharalar ótti.
Atap aıtsaq, mýzeı aýlasyndaǵy «Uly aqyn uldarymen» eskertkishine gúl qoıý rásiminen bastaý alyp, Abaı oqyǵan medrese ımamy, aqynnyń ustazy Rızaýddın Ýálıtulynyń jaqynda tabylǵan zıraty jaıynda «Bilimdiden shyqqan sóz...» taqyrybynda dóńgelek ústelmen jalǵasty.
Dóńgelek ústelge birneshe aı boıy qalanyń eski zıratyndaǵy qabir tastaryn zerttegen jergilikti tarıhshy Madııar Nasyrov jáne qalanyń dintanýshy, tarıhshy ǵalymdary, mádenıet salasynyń ókilderi qatysty.
Abaıdyń ustazynyń jerlengen qorymy eski tatar bóligi men Shyǵys kentiniń ortasynda ornalasqan oń jaǵalaýdaǵy Ertis ózeni boıyndaǵy tóbeden tabylǵan. Tarıhshynyń aıtýynsha, qorymnyń ortańǵy bóliginde kóbinese dinı qaıratkerler men kópesterdiń qabirleri kezdesedi.
Tarıhshy ǵalymdar aldaǵy ýaqytta áli de zertteý jumystary júrgiziletinin aıtty.
