قازاق سپورتشىسى اسۋ الماباەۆ UFC-دەگى العاشقى جەكپە-جەگىندە جەڭىسكە جەتتى. بۇل تۋرالى Prosports.kz جاريالادى، دەپ حابارلايدى “ادىرنا” ۇلتتىق پورتالى.
نەشۆيللدەگى تۋرنيردە اسۋدىڭ قارسىلاسى امەريكالىق اۋدي وسبورن بولدى. ەكىنشى راۋندتا جەرلەسىمىز قىلقىندىرۋ ءادىسىن قولدانىپ، قارسىلاستى جەڭىلىسىن مويىنداۋعا ءماجبۇر ەتتى.
29 جاستاعى اسۋدىڭ مما-داعى جاڭا رەكوردى 18-2. قازاقستاندىق قاتارىنان ون ءتورتىنشى جەكپە-جەگىندە جەڭىستى ناتيجە تىركەدى.
ايتا كەتەيىك، ودي وسبورن بۇعان دەيىن 8 رەت جەكپە-جەك الاڭىنا شىعىپ، تورتەۋىندە جەڭىسكە جەتىپ، تورتەۋىندە جەڭىلىسكە ۇشىراعان.
ال اسۋ الماباەۆ (UFC-گە دەيىن 18-2) جەكپە-جەكتەن كەيىن ء"وزىن جاڭا جۇلدىزبىن" دەپ تانىستىردى.
سونداي-اق، جاقىندا عانا تاعى ءبىر قازاقستاندىق ازات ماقسۇم دا مما-دان الەمنىڭ ۇزدىك ۇيىمىنداعى جولىن جەڭىسپەن باستاعان بولاتىن.
