“بۇگىننەن باستاپ دەمالام”. باقىت بەدەلحان وداقتان كەتۋىنە قاتىستى مالىمدەمە جاسادى

اقىن باقىت بەدەلحان جەلىگە “بۇگىننەن باستاپ دەمالام!” دەگەن، جازۋشىلار وداعىنان كەتۋىن تۇسپالداپ ولەڭ جازدى، دەپ حابارلايدى “ادىرنا” پورتالى. اقىن اۋزىنان رەسمي حاباردى ءبىلۋ ءۇشىن “ادىرنا” ءتىلشىسى باقىت بەدەلحانعا حابارلاستى. “ولەڭ دەگەن تۋمايدى جايشىلىقتا، ولەڭ دەگەن تۋلايدى قايشىلىقتا” دەگەن مۇقاڭ. ءوتىنىش جازىپ كەتتىم. 18 جىل وداقتا بولعان ادامعا، ەكى ايدا جۇمىس ىستەي المادىڭ دەگەنىنەن سوڭ نە سۇرايسىڭ” دەدى اقىن. سونداي-اق، ول ناعاشى ءىنىسىنىڭ ومىردەن وتكەنىن حابارلاپ، جاعداي تۇراقتالعان سوڭ ءمان-جايدى تولىق باياندايتىنىن ايتتى. جەلىدە ول ءوزىنىڭ “بۇگىننەن باستاپ دەمالام!” دەگەن ولەڭىن جاريالادى: وداعىم - باقىت ورداسى ەڭ..! دەمالسىن! - دەسە، دەمالام. ونسىز دا بوسقا جاتىپپىز. مەراعاڭ - دەيتىن، توراعام بۇگىننەن باستاپ، باقىتسىز... وداعىم - باقىت ورداسى، باعىڭ با، الدە، سورىڭ با؟ ىشىندە جاتقان بومباسى ءبىر شالدىڭ قالدىڭ قولىندا!.. نە دەگەن بىتپەس شايتان- شال؟ شاپاعىنان كوپ شاتاعى ارۋاقتا، مەيلى، ايقاي سال، سەلت ەتەر مە ەكەن، شاپانى؟ ءبىر شالدى ءبىر شال قۇلاتىپ، ءماز بولعان ءبىزدىڭ قوعامدا. جاپ-جاس جانىڭدى جىلاتىپ، سەن، اقساقال بول، ودان دا! بۇگىننەن باستاپ دەمالام، دەم جەتپەس - دەسەڭ، شاتىپسىز. توراعام بولعان مەراعام باقىتتى بولسىن، باقىتسىز..! ەسكە سالا كەتەيىك، باقىت بەدەلحان 2000 جىلدان استانا قالاسىنداعى "ەلوردا" باسپاسىنىڭ رەداكتورى بولىپ كەيىننەن قازاقستان جازۋشىلار وداعىنىڭ مۇشەسى بولىپ، باسقارما توراعاسىنىڭ ورىنباسارى قىزمەتىن اتقاردى.