"مەكتەپكە جول" رەسپۋبليكالىق قايىرىمدىلىق جوباسىن ىسكە اسىرۋ باستالدى. "سامۇرىق-قازىنا" قورىنىڭ ەرىكتىلەر توبى از قامتىلعان وتباسىلارعا قول ۇشىن سوزۋدا، دەپ حابارلايدى "ادىرنا" ۇلتتىق پورتالى.
"سامۇرىق-قازىنا" قورىنىڭ ەرىكتىلەر توبى از قامتىلعان وتباسىلارعا قولداۋ كورسەتىپ جاتىر. قور وكىلدەرى مەكتەپكە باراتىن وقۋشىلارىنا ارنالعان مەكتەپ كەرەك-جاراقتارىنىڭ جيىنتىعىنىن ۇسىنۋدا.
بۇل قايىرىمدىلىق اكتسياسى شامامەن 15 مىڭ بالاعا، اسىرەسە اۋىلدىق جەرلەردە تۇراتىن تۇرعىندارعا قولداۋ كورسەتۋگە جۇمسالماق. اتالمىش جوبا وتباسىلار ءۇشىن قارجىلىق جۇكتەمەنى ازايتۋعا باعىتتالعان. قور مۇنىڭ جولىندا ءبىرىنشى سىنىپ وقۋشىلارىنىڭ وقۋ جىلىن ءساتتى باستاۋى ءۇشىن بارلىق قاجەتتىلىكتەردى قامتاماسىز ەتپەك.
«سامۇرىق-قازىنا» ۇاق» اق باسقارۋشى ديرەكتورى عيبرات اۋعانوۆ بۇل جايدى:
- مۇنداي قايىرىمدىلىق باستامالار قيىندىقتارعا تاپ بولعان بالالاردىڭ ۇزدىك وقۋىنا سەرپىن بەرەدى. قور ءاردايىم بۇل باعىتتا بەلسەندى جۇمىس ىستەۋىن جالعاستىرادى، شاكىرتتەردى شابىتتاندىراادى، وقۋ تاجىريبەسىندە تابىسقا جەتۋىنە كومەكتەسەدى. بالالارىمىزدىڭ جاقسى بولاشاعىن قامتاماسىز ەتۋ ءۇشىن وسى ادەمى ءىستى بىرگە قولداپ، تاراتايىق! - دەپ پىكىر ءبىلدىردى.
"ادىرنا" ۇلتتىق پورتالى
ۇقساس جاڭالىقتار
