تۇڭعىش پرەزيدەنت قۇرمەتتى توراعا لاۋازىمىن يەلەنۋى مۇمكىن
قازاقستاننىڭ تۇڭعىش پرەزيدەنتى نۇرسۇلتان نازارباەۆ ەۋرازيالىق ەكونوميكالىق وداقتا قۇرمەتتى لاۋازىمعا يە بولۋى مۇمكىن.
29 مامىردا وتەتىن، وداقتىڭ بەس جىلدىعىنا ارنالعان ەاەو سامميتىندە نازارباەۆ ونىڭ قۇرمەتتى توراعاسى بولىپ تاعايىندالۋى مۇمكىن، دەپ جازادى رەسەيلىك "كوممەرسانت" گازەتى.
باسىلىم مالىمەتىنە سۇيەنسەك، وداقتى قۇرۋ يدەياسىن و باستا نۇرسۇلتان نازارباەۆ ۇسىنعاندىقتان، وسىنداي شەشىم قاراستىرىلىپ جاتىر.
ەۋرازيالىق ەكونوميكالىق وداق ءسامميتى قازاقستان استاناسى – نۇر-سۇلتان قالاسىندا مامىردىڭ سوڭىندا وتەدى. وعان ەاەو-عا مۇشە ەلدەردىڭ (قازاقستان، رەسەي، ارمەنيا، بەلارۋس، قىرعىزستان) پرەزيدەنتتەرى قاتىسىپ، وداقتىڭ بەس جىل ىشىندەگى جۇمىسىن تالقىلايدى.
"" جازعانداي، بۇل كۇنى قازاقستاننىڭ تۇڭعىش پرەزيدەنتى نۇرسۇلتان نازارباەۆ ەرەكشە نازاردا بولادى.
"ەاەو وكىلدەرىنىڭ پايىمداۋىنشا، ول وداقتىڭ قۇرمەتتى توراعاسى بولىپ تاعايىندالادى", - دەپ حابارلايدى باق.
ايتا كەتسەك، قازىر مۇنداي لاۋازىم جوق ەكەن، سول سەبەپتى نازارباەۆتىڭ بولاشاق وكىلەتتىگى قانداي ەكەنى ءالى بەلگىسىز.
Sputnik.
