Nazarbaev taǵy bir joǵary laýazymǵa ıe bolýy múmkin

1649

Tuńǵysh prezıdent qurmetti tóraǵa laýazymyn ıelenýi múmkin

Qazaqstannyń tuńǵysh prezıdenti Nursultan Nazarbaev Eýrazııalyq ekonomıkalyq odaqta qurmetti laýazymǵa ıe bolýy múmkin.

29 mamyrda ótetin, odaqtyń bes jyldyǵyna arnalǵan EAEO sammıtinde Nazarbaev onyń qurmetti tóraǵasy bolyp taǵaıyndalýy múmkin, dep jazady reseılik "Kommersant" gazeti.

Basylym málimetine súıensek, odaqty qurý ıdeıasyn o basta Nursultan Nazarbaev usynǵandyqtan, osyndaı sheshim qarastyrylyp jatyr.

Eýrazııalyq ekonomıkalyq odaq sammıti Qazaqstan astanasy – Nur-Sultan qalasynda mamyrdyń sońynda ótedi. Oǵan EAEO-ǵa múshe elderdiń (Qazaqstan, Reseı, Armenııa, Belarýs, Qyrǵyzstan) prezıdentteri qatysyp, odaqtyń bes jyl ishindegi jumysyn talqylaıdy.

"" jazǵandaı, bul kúni Qazaqstannyń tuńǵysh prezıdenti Nursultan Nazarbaev erekshe nazarda bolady.

"EAEO ókilderiniń paıymdaýynsha, ol odaqtyń qurmetti tóraǵasy bolyp taǵaıyndalady", - dep habarlaıdy BAQ.

Aıta ketsek, qazir mundaı laýazym joq eken, sol sebepti Nazarbaevtyń bolashaq ókilettigi qandaı ekeni áli belgisiz.

Sputnik.

Pikirler
Redakııa tańdaýy