وپپوزيتسيا بەلسەندىسى ەرمەك نارىمباي بوستاندىققا شىقتى. بۇل تۋرالى ادۆوكاتى جانار بالعاباەۆا فەيسبۋك پاراقشاسىنا جازدى، دەپ حابارلايدى “ادىرنا” ۇلتتىق پورتالى.
ەرمەك نارىمبايدى قارسى الۋ ءۇشىن زارەچنىي كەنتىنە بارۋعا جينالىپ جاتقانداردىڭ ءبارىن قۇلاعدار ەتەيىن، ول قازىر الماتىدا. ەگجەي-تەگجەي اقپاراتتى كەيىنىرەك حابارلايمىن، – دەپ جازدى جانار بالعاباەۆا.
ەسكە سالايىق، بۇعان دەيىن 13 شىلدەدە ۇلتارالىق ارازدىقتى قوزدىردى دەپ ايىپتالعان ەرمەك نارىمباەۆتىڭ جازاسى جەڭىلدەتىلگەنىن حابارلاعان ەدىك.
نارىمباەۆ سوت ۇكىمى بويىنشا قازاقستان رەسپۋبليكاسى قىلمىستىق كودەكسىنىڭ 174-بابى «الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني ارازدىقتى قوزدىرۋ» بويىنشا باس بوستاندىعىنان ايىرۋ جازاسىن قولدانۋمەن ايىپتالعان بولاتىن.
