وزبەكستاندا وتكەن «باۋىرىم، بولاشاق ءوز قولىڭدا» حالىقارالىق جاستار فەستيۆالىندە قازاقستان تۋى وزگەرتىپ كەتكەن. بۇل تۋرالى ادۆوكات دانارا سارانوۆا Instagram پاراقشاسىندا جازدى، دەپ حابارلايدى “ادىرنا” ۇلتتىق پورتالى.
فەستيۆال وزبەكستاندا 27-29 شىلدە ارالىعىندا بولعانى بەلگىلى بولدى.
فوتوسۋرەتتە قازاقستان تۋىنىڭ سول جاعىندا ويۋ-ورنەك ورنىندا قىزىل جيەك سالىنعان.
بۇل نە دەگەن مازاق؟ ءبىز شىنىمەن دە باسقا ەلدىڭ تۋىن بۇرمالاپ جاتىرمىز با؟ وڭتۇستىك قازاقستاننىڭ شەنەۋنىكتەردىڭ پاتريوتتىق سەزىمى قايدا؟ نەلىكتەن ولار قىمسىنباي سونىڭ فونىندا سۋرەتكە ءتۇسىپ تۇر؟ تۋىمىزدىڭ دۇرىس سالىنۋىن تالاپ ەتۋ كەرەك ەدى. نەگە جالاۋدى تۇزەتىپ، رەسمي تۇردە جازباشا كەشىرىم سۇراتپاعان. ايتپەسە، دەلەگاتسيا بولىپ جينالىپ، ءىس-شارادان كەتىپ قالۋعا بولاتىن ەدى. الدە بىزگە ءبارىبىر مە؟ – دەدى دانارا سارانوۆا.
ادۆوكات فوتوسۋرەتتە "امانات" پارتياسىنىڭ تۇركىستان وبلىسى "جاستار رۋحى", بلوگەر ولجاس مامىر جانە باسقا دا كوپتەگەن جاستار دەلەگاتسيا قۇرامى بار ەكەنىن ايتتى.
وزبەكستانداعى ۇيىمداستىرۋشىلار قاتەلەستى. ولاردىڭ سوزبەن كەشىرىم سۇراعانى انىق. بىراق تۋدى وزدىگىنەن جابىساتىن لەنتامەن تۇزەتۋگە بولادى. شارا 3 كۇن بولدى! باسپاحانالار جۇمىس ىستەمەسە ءتىپتى تۋدىڭ ءوزىن ءىلىپ قويۋعا بولار ەدى – دەپ جازدى ادۆوكات.
ال قازاقستاندىق دەلەگاتسيانىڭ مۇشەسى ولجاس مامىر قاتەلىك بىردەن بايقالىپ، ۇيىمداستىرۋشىلار مۇنداي ۇيات ءۇشىن كەشىرىم سۇراعانىن جەتكىزدى، دەپ حابارلادى Elitar.kz پورتالى.
ءيا، بۇل وقيعا ءبىرىنشى كۇنى بولدى. ءبىز اشۋلانىپ، نارازىلىق بىلدىردىك. ۇيىمداستىرۋشىلار كەشىرىم سۇراپ، ەكىنشى كۇنى ءبارىن جوندەپ بەردى، - دەدى ولجاس مامىر.
